روزنامه وطنداران

کامدیش برگمټال سته پوت دیوماسں پټیاره ټرافیک پمیوکو اتوکعی

نورستان ولایت سته سواوعنڅلی بټه تں الی پوت چے اچی ماس کویں سکال کتی اګال جے پښکوری تں تتی نشیں ګیسی دیوماسں پټیاره افغانستان اسلامی امارت سته فواید عامه وزارت پارستعں ابل جے بتات کعسته پټیاره کامدیش برګعمټال سته الی پوت ټرافیک پمیوکو اتوکعی. باخترسته ښوپعله تں ګجیکو: نورستان ولایت ډوبوں پکعه اوجوپچوعه بتات کوسته اداره سته جیښټ قیام الدین جانبازدیګعں بدیګل ستع ګاتی کموبدنشیں ویک کوری تں تتی بوت نشیں ګیسی چےاوجوپچوعه ۱۱ کیلومیټرتں ویک اسی اینه دری ولتں ایکی وزارت سته ابل جے ابل کوسته  مښ چے ایکےتعں کویں منچی سکال شوش وعں مښ میوکه میوک اسی ایکی کودیوم تں تتی امکی دی ایکی نه اترں تعں لسیه.ایکے اموسته وری تں اوتا کعا:ایکی پوت ایپاسته بګانه کښعں که ۵۰۰منچاں کں کودیوم کوسته بګانه دی پوت ښټاں ګییسی. سوره راله نورستان ولایت سته فواید عامه ریاسته جیښټ مولوی عبدالرحیم ګجیکو: ایکی پوت شترک ټپں ټیچ(اضطراری) شکل تں اسه اوجوپچوعه لسته که ایپاسته بګانه کودیوم کوسته اتکی شترک ووپسی نسته ای.

 

ممکن است شما دوست داشته باشید