روزنامه وطنداران

چیوع پنورں شته نچاسته بګانه  ابل کوسته بوته

افغانستان اسلامی امارت سته ریاسته ولوزراء سته سیاسی بټه تں کودیوم ساټ مولوی عبدالکبیردوس ګرجارعقرب ماس سته وڅاشتوابولی واس تں ارګ پتں محیط زیست سته ملی اداره سته جیښټ حافظ عزیزالرحمن جے ملی رادیوټیلویژن سته کودیوم ساټ ضیاء الحق مښ وعیک وعیک ګتی ګول تں چوع پنورں لسته که نچاسته بګانه سوره اینه بټه تںایموسته ګول وعیں لسته که زعاں سته جے ایکے مښ په تتی اینه اڅلی زوارولتں ایکی دیوم جے پعسکره وارتعں بدیوع بوسته بګانه ابل کوسته کودیوم کی که کوسته بولا کی که.مولوی عبدالکبیرموضوع بګانه وری وله تی ګجیکو: ګول تں پعسکره وارپسه تی ګول تں ښنګریک جے نینیل  بوں بټه تں لسته که ابل کوسته ایموسته کودیوم جےبتات تعں اسه  اینه بګانه کی کودیوم کوسته بوتت باسته بګانه دی لسته که منچی امشیں سته اوتیں نشیں لےوارسته پوت وعں تی اینه لےواربګانه پورجےتی کودیوم کوسته بولا. چے ګول تں ښنګریک پلنګں تی اڅلا سوره ګول تعں پعسکره وارپیس بوتی ایموسته منچی دی ډګروارتعں لسه له.

ممکن است شما دوست داشته باشید