روزنامه وطنداران

پوهنمل عبدالرحیم “غتی باش” فرزاد ینگ تانیش نامه سی

  حاجی عبدالرحمن غتی باش هالی فروشینگ آختیغی و عبدالمجید غتی باش آغانینگ اوغلی  یاش عالم پوهنمل عبدالرحیم”غتی باش” فرزاد افغانستانینگ فاریاب ولایتی نینگ قرغان ولسوالیغی نینگ باغبوستان اوباسیندا ۱۳۶۳-نجی هجری شمسی ییلینا دنگ گلیأن، ۱۹۸۵-نجی میلادی ییل دا حاجی عبدالرحمن غتی باشینگ مشغله سیندا دنیا اینیأر.

عبدالرحیم غتی باش فرزاد باشلانغیچ بیلیمینی و اورتا اوقووینی قرغان مکتبینده یوقاری بهالار (اول نمبره لیک) بیلن تماملاپ، اونونگ یانی بیلن دینی مدرسه لرده هم اؤزینه گرکلی بیلیمینی آلیپ، سونگرا اندخوی شهریندأکی ابومسلم لیسه سینده اوقایار. ۱۳۸۲-نجی ییلدا لیسه اوقووینی اوستونلیکلی یوقاری بهالار بیلن بتیریأر. سونگرا آیینه تلویزیونی نینگ ترکمنی بؤلومینده هفته نینگ مهم خبرلاری عنوانی بیلن، آیینه تلویزیونی نینگ پرده سینده ایلکینجی ترکمن دیلیندأکی خبرلاری اوقان نطاق افتخارینه ایه بولوپ ایشلأپ باشلایار. شو دؤرده اول  کانکور سیناغینا هم غاتناشیپ جوزجان یوقاری اوقوو جایی نینگ انجینری نفت و گاز بؤلومینی غازانیار. کأبیر سببلره گورأ و اساساً هم ژورنالیستیکه و ادبیاته خاص هؤس و علاقه تاپانلیغی اوچین بو بؤلومده اوقاماق ممکینچیلیگی و ایسلگی بولمایار. یؤنه ولین سونگی بیلن کابل ده سیناغ آرقالی دولت طرفیندان داشاری یورده اوقاماغا اوزادیلیانلیغیندان خبرلی بولوپ، کابل باریپ سیناغ تابشیریپ غونگشی دولت ترکمنستان اؤلکه سینه گیدیپ اوقاماقلیغی غازانیار.

شیله لیک بیلن عبدالرحیم”غتی باش”فرزاد ۱۳۸۵-نجی ییلینگ باشلاریندا(۲۰۰۶)-نجی ییلدا آتا وطنی میز بولان ترکمنستانا گیدیپ، اول یوردینگ سید نظر سیدی آدینداقی پوهنتونی نینگ دیل و ادبیات فاکولته سینده اوقووینی دوام اتدیریأر. سونگرا ۱۳۹۰ (۲۰۱۱)-نجی ییل دا اول فاکولته نی اینگ یوقاری بهالار بیلن اوستونلیکلی تماملاپ، فیلالوجی علومی نینگ یوقاری دیپلوملی گیشیسی حکمینده عزیز وطنی میز افغانستانا دولانیپ گلیأر.

عبدالرحیم ۲۰۱۲-نجی میلادی ییل دا جوزجان پوهنتونینه استاد بولماق اوچین یوقاری اوقوو وزیرلیگی نینگ بویروغی اساسیندا کابل پوهنتونیندا امتحان (سیناغ) تابشیریپ اوستونلیک غازانیار. شیله لیک بیلن عبدالرحیم افغانستان دولتی نینگ یوقاری اوقوو وزیرلیگی نینگ بویروغی بیلن ۱۳۹۱-نجی هجری شمسی ییلی نینگ عقرب آییندان باشلاپ جوزجان پوهنتونی نینگ تعلیم و تربیه فاکولته سینده استاد ادیپ بلله نیلیأر. حاضر هم بیر نأچه ییللاردان باری پوهنمل عبدالرحیم”غتی باش” فرزاد جوزجان پوهنتونی نینگ تعلیم و تربیه فاکولته سی نینگ ترکمن دیلی و ادبیاتی بولومی نینگ آمری وظیفه سینده ایشلأپ یؤر.

ینه کأبیر ذاتلاری یادلاپ گچمأن بولماز، افغانستان دا ترکمن دیلی و ادبیاتیندان اولین (ایلکینجی) تخصصلی گیشی بولوپ پوهنتونینگ ترکمنی دیپارتمنتینده استاد حیثینده ایشلأپ باشلان هم عبدالرحیم”غتی باش”فرزاد دیر. یاش استادینگ ادبی- علمی مقاله لاری دؤرلی جریده لرده و مجله لرده اساساً هم پوهنتونینگ علمی و تحقیقی مجله سی بولان (جوزجانان)، فروغ معروفت، افغانستانینگ اطلاعات و فرهنگ وزیرلیگی نینگ وطنداران ترکمنی، افغانستانینگ قوملار، قبیله لار و سرحدلر وزیرلیگی نینگ هموطن آتلی مجله لرینده، گورش و صحرا جریده لرینده و ترکمنستانینگ ترکمن دنیاسی، ترکمنستان، ترکمن گوندوغاری یالی جریده لرینده (gazet) لرینده اوست-اوستونه نشر ادیلیپ ایل-گونه یایران دیر. حاضرهم یاش عالمینگ نشر بولمادیق چاپا غاراشیان اثرلری بار: “حاضرکی زمان ترکمن دیلی نینگ گرامری” آتلی اثری، ۱۰(اون)لارچه علمی- ادبی مقاله لاری و لیسه دؤرینده یازیلان فارسی دری و ترکمن دیلینده شعرلری هم بار. باشغه دا ترکمن دیلینده شعر و قصه (نظم و نثر) یازیشلیغینگ تیوریه لاری نینگ، دوزگونلری نینگ اوستونده ایشلیأر. افغانستان ترکمنلری نینگ خلق دوره دیجیلیگی (فولکلوری) باره دا تحقیقات اتیأر.

عبدالرحیم”غتی باش”فرزاد دری- فارسی، ترکمنی، اوزبیکی و ترکی استانبولی دیللرینی بیلیأر. انگلیسی و هندی دیللرینه هم بلدلیگی بار.

 

ممکن است شما دوست داشته باشید