روزنامه وطنداران

نورستان ولایت تں اماچ جکوع مکاله بدمتں ګوسه

نورستان ولایت تں اماچ جکوع مکاله بدمتں ګوسه باخترسته ښوپعله تں ګجیکو:اماچ نورستانی منچی چے اچی ماس کویں قندهارولایت تں ګتی اتکی اوجکوعا مښ عمه بوتی اتکیوستعں سته جکوع شتوا(۴) پرمعاں دی مښ مکه تی اوتی نورستان ولایت کامدیش ولسوالی تں پعویسه: نورستان ولایت سته استخبارات سته ریاست سته جیښټ مولوی فقیرمحمد حنیف دی ګعں کی! باخترسته ښوپعله تں ګجیکو: اینه منچے فرزانه نام وای جکوع اموسته شتوا پرمعاں دی مښ اینه منچےمکیسه کی که ګجیکو: نورستان ولایت سته استخبارات سته ریاسته کودیوم کولاں پارستعں لسته که وری اوجوتسته مښ اینه منچی نورستان ولایت سته کامدیش ولسوالی تں سته جکوع جے ستاسته شتواپرمعاں اپارں دمسته با کی که.وری اوجوته تں تں اینه منچی ګجیکول اسه ایکی فر زانه نام وای جوکوعامښ کویں ستعں وله له اسیوم کی کاټ مښ نه مکیسه ایکیاسته چیت بیک مښ مکه تی اوعیسه کی که. اتکیاره فرزانه نام وای جکوعاسته امه وعیں اسلامی امارسته ویشترسعیں پارستع ایکی جکوع اموسته پرمعاں مښ بنڅه یسته ں بلیوک ښآتتی اسلامی امارست سته سعیں سته کودیوم اچاک دی لسته که ویشته یه

ممکن است شما دوست داشته باشید