روزنامه وطنداران

موندان ایکی ییل اؤنگ اوغورلانان عبدالروف اسلامی امارتی طرفیندان  مشغله سینا تابشیریلدی

موندان ایکی ییل اؤنگ بلخ ولایتیندان اوغورلانان عبدالروف آتلی چاغا اسلامی امارتی نینگ تاغاللالاری نتیجه سینده آدم اوغری لاری نینگ الیندن غوتاریلیپ، اؤز مشغله سینا تابشریلدی.

افغانستان اسلامی امارتی نینگ سؤزلیجیسی و اطلاعات و فرهنگ وزیرلیگی نینگ نشراتی ایشلر بویونچه معینی ذبیح الله مجاهد، عبدالروفینگ موندان ایکی ییل اؤنگ اوغورلانان دیغینی و اول ۱۴۰۱-نجی ییلینگ ثور آیی نینگ اوچونجی گونینده آدم اوغری لاری نینگ الیندن غوتاریلیپ اؤز مشغله سینا تابشیریلان دیغینی اؤز تویترینده یازیپ دیر.

شونونگ شکللک اسلامی امارتی نینگ سؤزلیجیسی بلخ ولایتیندا اولی بیر دابارالی ییغناق گچیریلیپ، وزیرلر ریاستی نینگ اداری اورونباساری عبدالسلام حنفی طرفیندان مشغله سینا تابشریلان دیغینی هم بو تویتده یازیپ دیر.

عبدالروف ۱۳۹۹-نجی ییلینگ عقرب آییندا مزار شریف شهری نینگ تؤردینجی ناحیه سیندا مکتب یولوندان اوغورلانان دی و اول، شول زمان توققوز یاشیندا دی.

بو شویله بیر یاغدای دا یوز برن دیر که اؤنگکی حکومت اونلارچه عملیاتی یولا غویوشی بیلن هم عبدالروفی آدم اوغری لاری نینگ الیندن غوتاریپ بیلن دأل دی.

 

ممکن است شما دوست داشته باشید