روزنامه وطنداران

غوش تپه سوو کانالی نینگ تاسلاماسی عمله آشیریلیشی بیلن میلیونلارچا افغان خلقینا ایش فرصتلارینی دؤره­تمک بولار

افغانستان اسلامی امارتی نینگ بیرینجی اورونباساری ملا عبدالغنی برادر، غوش تپه سوو کانالی نینگ تاسلاماسی عمله آشیریلیشی بیلن میلیونلارچا افغان خلقینا مستقیم و غیره مستقیم شکلینده ایش فرصتلارینی دؤره­تمک بولار دیدی.

خبرچی لارا گؤرأ، برادر جنابلاری چهار شنبه گونی ۱۰-نجی حمل ده بلخ ولایتیندأکی غوش تپه سوو کانالی نینگ آچیلیش داباراسیندا سؤز یؤریدیپ، بو بییک اقتصادی تاسلامانی عمله آشیریش بیلن میلیونلارچا افغان خلقینا ایش فرصتلارینی دؤره­تمک بولار دییپ نیغتاپ دیر.

اول بو تاسلاما عمله آشیریلیشی بیلن اوچ میلیون جریب یری(زمینی) سووا یاقیپ و میلیونلارچا افغان خلقینا مستقیم و غیره مستقیم شکلینده ایش فرصتلارینی دؤره دیپ و شونونگ یالی بوغدای ضرورت لاری یوزیندن اؤز گونی میزی گؤریپ بیلیش لیگه یتیشیپ بیلریس دیدی.

ملا عبدالغنی برادر، اسلامی امارت دولتی شونونگ یالی اولی اقتصادی تاسلامالار باشلانیپ- عمله آشیریلیشی اوچین تعهدلی دیگینی و اولی اقتصادی تاسلامالارینگ آچیلیشی اسلامی امارتی نینگ ایلکینجی اقدام لاریندا قرار تاپان دیغینی و  یاقین گله جک ده باشغه اولی تاسلامالار هم باشلانجاق دیغینی آیتدی.

اول؛ اسلامی امارتی خیرات پولی بیلن افغانستان غورشالماجاغینی بیلیور دییپ، شو یوزدن اسلامی امارتی نینگ رهبری اؤز غولوندا بار امکاناتا اونس بریور و اوندان غووی صورت دا غوللانیپ باشغه لارینگ خیراتیندان غوتولالینگ دیدی.

برادر جنابلاری بو تاسلامانینگ عمله آشیریلیشی اوچین خلقینگ همکارلیک ادیشینی خواهش ادیپ، بو تاسلامانی عمله آشیریش دینگه حکومتینگ مسئولیتی دأل ده بلکه خلقینگ غولداوی بولمازدان اونی عمله آشیریش ممکن دأل دیر دیدی.

اسلامی امارتی نینگ صنعت و تجارت وزیری نورالدین عزیزی، بلخ ولایتیندأکی غوش تپه سوو کانالی نینگ آچیلیش داباراسینا غاتناشیپ، بو گون افغانستان دا سرمایه غویوش لیق اوچین هیچ بیر غایتارغی یوق و افغان تاجرلری باید اؤز اؤلکه سینده سرمایه غویوشی گرک دییپ نیغتادی.

اول سؤزینی کوپلدیپ، اسلامی امارت دولتی اؤزی یا-دا فکرداشلاری اوچین دأل ده، بلکه ملت و خلقه خدمت ادیش فکرینده دیر و تاجرلری میز نباید سرمایه لارینی داشاری یورت لارا چیقارسالار دیدی.

بو شویله بیر یاغدای دا دیر که افغانستان دا سونگقی بولان تحولات بیلن کوپلرچه تاجرلر سرمایه لاری نینگ مصئون سیز لیگی سببلی اؤز سرمایه لارینی داشاری یورت لرینه چیقاران دیرلار. شویدیپ بو اؤلکه ده اقتصادی غینچیلیقلار کوپلن دیر.

آیدیشلارینا گؤرأ غوش تپه سوو کانالی نینگ اوزین لیغی ۲۸۵-کیلو متر بولوپ بلخ ولایتیندان باشلاپ، جوزجان ولایتی نینگ اؤستوندن اؤتیپ فاریاب ولایتی نینگ اندخوی تؤرت دوغان ولسواللیقلارینا چنلی تارتیلیپ، اونونگ هزینه سی افغانستانینگ اؤز بودیجه سیندان تأمین بولوپ و گله جک بأش ییلینگ ایچینده تکمیل بولوجاق دیر.

ممکن است شما دوست داشته باشید