روزنامه وطنداران

صبرلی بولماق

صبرلی لیق، مسلمان گیشی نینگ و الهی حکمت لره حرمت غویوش لیغینگ آشکار نشانه لاریندان بیریسی دیر.

هر بیر زمان مسلمان گیشی دردلی مصیبته دچار بولسا، بویله یاغدای دا گؤوین آچیلیغی بیلن اؤزیندن صبرلی لیغی گؤرکزسه، الله تعالی اونونگ یرینه اولاقان پاداش و ثوابی نصیب اتیور.

اول زمان الله تعالی نینگ مسلمانلاری مصیبت و بلا لارا دچار بولیور، که شول درد و مصیبت هر بیر مسلمانینگ وجودینی تیسگیندیریور و بو دردی همه لر احساس اتیور.

مسلمانلار واحد بیر جسم دیرلار که زمانی که اولارینگ بیر اعضاسی آغریسا، بؤیله کی اعضالاری هم آغریق احساس اتیور.

مسمانلارینگ دردی بیر دیر، مسلمانلارینگ احساسی بیر دیر، بوتین مسلمانلارینگ چیزیغی، یولی و روشی بیر دیر.

مسلمانلار دیریچیلیگینگ کؤتل- کؤلپت لرینه دوش گلن وقتلاری و پروردگارینگ سیناغیندا قرار تاپان وقتلاری، اولاری بختلی لیغه یتیشدیریون صبرلی لیغی و طاقتلی لیغی دیر.

اگرده غینچیلیق و مصیبت دپه سیندن گؤتریلسین دیسه، دینگه الله تعالی دن کمک ایسله مگلی دیر و دینگه نیازلی اللرینی اونگا طرف اوزاتمالی دیر و اونونگ درگاه سیندا عذر- زاری اتسین که اونی گچر، و مانه شو دعالار بیلن الله تعالی اونگا آل غولوم دیسه غینچیلیق و مصیبت لردن غوتولماغی ممکن دیر. الله تعالی نینگ یانیندا خالص و صداقت لی دعا لارینگ قبول بولوشی یاقین دیر.

الله تعالی آیتیور: ترجمه؛ «و ایوبی یادلانلار، اول وقت پروردگارینه شویله ندا اتیوری دی: کسللیک و عزاب مانگا گلن دیر و سن مهربان لارینگ مهربانی سینگ)، من اونونگ دعاسینی قبول اتدیم و بیر تعداد اونگا منگزش لری هم اونونگ بیلن بیرلیک ده ایزینا غایتاردیم (تا)من طرف دان رحمت و عبادتچی لار اوچین پند بولسون».

مباح واندوه آغیسی  نینگ جایز لیغینی بیلیش شول دیر که یؤرک یومشاق لیغی بیلن گؤز یاشینی دؤکمک راحتلی الهی تقدیر بولسا اول آغی تانگری نینگ اینگ کامل بنده لرینده و بیزلرینگ پیغمبری میز حضرت محمد (ص) ده بار دی.

انس ابن مالک (رض) رسول الله (ص) دن روایت ادیپ آیتیور: ترجمه؛ «گچن گیجه اوغلوم دوغول دی و اونگا آتامینگ آدی ابراهیم دییپ آت غویدوم». (انس رضی الله عنه آیتیور:) رسول الله صلی الله علیه وسلم اونگا سویت بریشلیک اوچین “ابو سیف” آتلی دمیرچی نینگ عیالی ام سیفه بردی. بیر گون پیامبر(ص) اونی گؤریشلیک اوچین یولا چیقدی و من هم اونی گؤرمک اوچین اونونگ ایزیندان گیتدیم. زمانی که ابو سیفینگ اؤیینه یاقینلاشدیم، اول اوجاغینی اوپلأپ اوتیر اکن، و اؤیی نینگ همه یرینی توسسه آلیپ دیر. من پیامبر(ص) دن اؤنگرأک اؤزیمی ابو سیفینگ اؤیینه یتیردیم و الینگی غورا دیدیم، رسول الله (ص) گلدی و اول الینی ساقلاندی و پیامبر(ص) چاغانی آلیپ غوجاغینا آلدی و آیداسی گلن زاتلارینگ همه سینی آیتدی. انس رضی الله عنه ایتیور: (ینه بیر گزک رسول الله(ص) بیلن گیدنیم ده گؤردیم که ابراهیم پیغمبرینگ اؤنگینده جان بریوردی و رسول الله (ص)ینگ گؤزیندن یاش آقدیردی و آیتدی: «گؤزلردن یاش آقیور و یؤرک غملی دیر ولین من الله تعالی نینگ خفه بولجاق گپینی دیلیمه گتیرمه یورین، الله قسم که من سنی الدن بریش اوچین ای ابراهیم غمگین دیرین». بخاری( ۱۳۰۳) مسلم(۲۳۱۵).

شونی هم بیلیشی میز گرک دیر که الله تعالی نینگ درگاه سینا یاقینلاشالینگ، باید مصیبت غینچیلیق گلن وقتی اول تانگری نینگ اراده سینه و ادنینه بویون بولالینگ و اول بنده لری اوچین خیر دان باشغه هیچ بیر زاده اراده سی یوق دیر و شونونگ یالی حوصله و صبرلی لیقلار بنده لری الله تعالی نینگ غاتی غین و سیناغ لاریندان اؤستون چیقار یون دیر.

 

ممکن است شما دوست داشته باشید