روزنامه وطنداران

جوزجان داقی ترکیه معارف بنیادی نینگ اوقووچی لاری علمی المپیاد یاریشیندا بیرینجی اورونی ایه له دیلر

جوزجان‌ ولایتینداقی ترکیه معارف بنیادی نینگ ییگیت‌ اوقووچیلاری آنلاین شکلینده تایلند-ده گچیریلن علمی المپیاد یاریش ‌لاریندا بیرینجی اورونی ایه له دیلر.

جوزجان معارف مسئوللری نینگ آیدیشینا گؤرأ، جاری ییل‌ دا تایلند اؤلکه سینده بیر یاریش آنلاین شکلده یولا غویولدی که ۴۳‌دن آرتیق اؤلکه لر‌‌دن مونگ‌لرچه اوقووچی بو یاریشا غاتناشاندیلار.

جوزجان معارف باشلیغی محمدطاهر جوادینگ آیدیشینا گؤرأ، بو یاریشا غاتناشان اوقووچیلاری ریاضی بؤلومینده ۲ آلتین مدال، ۱ کوموش و ۱۴ برونز غولا گتیرندیرلر.

جوزجان معارف باشلیغینا گؤرأ، شونونگ یالی یاریشلاری یولا غویوش بیلن اوقووچیلارینگ تشویق بولوشی افغانستانینگ آدی اوچین بییک بیر بویسانچ دیر.

آلتین مدال کسب ادن ترکیه معارف بنیادی نینگ ییگیت‌لر مکتبی اوقووچیلاریندان بیری احمد مبینینگ آیدیشینا گؤرأ، بو یاریش تایلند-‌ده آنلاین شکلده یولا غویولان دی و اوقووچیلار هم افغانستانینگ آدینا بویسانچ گتیریپ، اؤز استعداد‌ و توان‌لارینی گؤرکزیش اوچین بو یارایشا غاتناشاندیرلار.

اونونگ کوپلد‌یشینه گؤرأ، بو اولارینگ ایشلری باشلانیشی یا-دا آخری دأل بلکه بو دوغری دا، کوپراک بویسانچ کسب ادیپ و ینگیشلره ایه بولوشلاری اوچین علمی بؤلوم‌لرده بییک ساینسی مرکزلرینگ غورولیشینی ایسله‌ دیلر.

جوزجان ولایت مقامی نینگ باشتوتانی استاد محمد مجاهدینگ آیدیشینا گؤرأ،‌ بو ینگیشلر کوپلری میزه دگیشلی دیر و اوقووچیلارینگ استعداد و ظرفیت‌ لری کوپلیشی اوچین شونونگ یالی یاریشلارینگ کوپلیپ، یولا غویولیشی گر‌ک.

جوزجان ولایت مقامی نینگ باشتوتانینا گؤرأ، افغانستان‌ دا استعداد‌لی گیشی لرینگ سانی کوپ دیر، اولارا فرصت دؤره دیلن صورت دا، علم و بیلیم ‌لری بیلن دنیا چلنج بریش‌لری ممکن.

شونونگ یالی بیر حال دا، جوزجان ترکیه معارف بنیادی نینگ باشتوتانی عبدالمنان خلیل ینگ آیدیشینا گؤرأ، ترکیه معارف بنیادی نینگ ییگیت‌لر مکتب اوقووچیلاری بو علمی یاریش دا آلتین، کوموش و برونز مدال‌لارینی کسب ادیشلری بیلن افغانستان آدینا بییک عزت-آبرو کسب ادندیرلر.

جناب خلیله گؤرأ، ترکیه معارف بنیادی نینگ اوقووچیلاری شونونگ یالی باشغه بؤلوم‌لرده هم تیارلیقلار و یاریش‌لار یولا غویولان صورت‌ دا، افغانستان آدینا بییک بویسانچلاری غولا گتیریش لری ممکن.

آیدیش گرک دیر که، شونونگ یالی موندان اؤنگ هم جوزجان ولایتیندا‌ خصوصی بیر مکتب اوقووچیلاری، ۲۰۲۱- نجی ییل دا تایلند ده یولا غویولان المپیاد یاریشلاریندا ۱۱ مدال غولا گتیرندیلر.

 

ممکن است شما دوست داشته باشید