روزنامه وطنداران

جهان باید بهانه اتمزدن اسلامی امارتینی رسمیت ده تانیشی گرک

قربان بایرامیندان بیر نأچه گون اؤنگ مونگلرچه دین عالم لاری، بیلیم آدم لاری، جهادی شخصیت لر و افغانستانینگ اهلی قوم لاری نینگ یاش اولی لاری (اولی عالم لار ییغناغی) آدیندا لویه جرگه خیمه سیندا توپلانیشدیلار و اؤلکأنینگ اینگ مهم بولان ملی مسئله لری دوغری سیندا ارکأنه شکلده بحثلشیپ نظر آلیشدیلار.

عین حال دا امیر المومنین شیخ الحدیث مولوی هبت الله آخوندزاده حفظه الله بیلن هم دوشوشیپ و اوندان بیعت اتدیلر.

بو ییغناق دا ملت لرینگ ایلچی (نماینده) لری اسلامی امارتینی جامعه و ملت اوچین قابل قبول و همه نینگ سهمی بار حکومت دییپ اوودیلر و دنیا دان ایسله دیلر که هیچ بیر لحظه دورمازدان افغانستان اسلامی امارتینی رسمیت-ده تانیشنی ایسله دیلر.

بو اولی ییغناق دا ملت نماینده لری دنیا خلقلارینا گؤرکزدیلر که اسلامی امارتی ملتینگ ایسلگی دیر و عمومی مفهومی افغانستانینگ شهید پرور و بویتن شرفلی قوملاری نینگ غولداوی آستیندا قرار تاپان دیر.

شونونگ اوچین هم موندان بویله دنیا و دنیا خلقلاری نینگ بهانه ادیش لری انصاف دان دأل دیر و اسلامی امارتینی رسمیت ده تانیمازلیغی اوچین بیر دلیل گؤرکزیشی گرک.

دنیا و آیراتین هم اسلامی اؤلکه لری اوچین لازم دیر که اسلامی امارتینی رسمیت ده تاناسالار و پوچ بهانه لارینی و دویپ سیز دعوالارینی اورتادان چیقاریشلاری گرک.

اسلامی امارتینی رسمیت ده تانیشلیق افغانستان ملتی نینگ فایده سینه دیغی آیدینگ دیر و خدای ایسله مه سین، اگر اسلامی امارتینی رسمیت ده تاناماسالار، کوپلرچه خطرلارا افغانستان ملتی دچار بولوشی ممکن دیر که شونونگ اؤزی افغانستان خلقی بیلن دینا و اؤلکه لری نینگ دشمندارلیغی باردیغینی گؤرکزیور.

اوندا اگر دنیا افغانستان ملتینی منحیث بیر دوست-دوغان ملت تاناسا، اونونگ وقتی گلدی که بو دوزگونی رسمیت ده تاناسالار و افغانستان خلقی غینچیلیق و تارتیشقلارینا اینگ سونگقی نقطه لارینی غویسالار.

اسلامی امارتی نینگ یوقاری مقاملی لاری نأچه گزک اعلان ادن دیر که افغانستان هیچ بیر اؤلکه بیلن دشمن حیثینده غاتناشمایور و دنیا اؤلکه لری بیلن همیشه دوستانه غاتناشیقلاری غورماق ایسله یور.

اوندا دنیا اوچین ضرور دیر که افغانستانی غارا دشمن عینکی بیلن گؤرمه سینلر و اسلامی امارتینی رسمیت ده تانیشلیق اوچین هیچ بیر لحظه دورمازدان همت بیلینی باغلاسینلار و بو خیرلی و فایده دان دولی ایش اوچین برک اقدام اتسین لر.

 

ممکن است شما دوست داشته باشید