روزنامه وطنداران

جهان بانکه سی افغانستان اوچین ۷۹۳ میلیون دالرلیق اوچ سانی طرحینی تصدیقلادی

جهان بانکه سی نینگ آچیقلایشینا گؤرأ، افغانستانی غایتادان غوروش غوراماسی (ARTF) و جهان بانکه سی ۷۹۳ میلیون دالرلیق اوچ سانی غولداو طرحینی تصدیقلان دیر.

جهان بانکه سی نینگ آچیقلاماسیندا بو طرح لردن مقصد افغانستان خلقینا مهم و ضرور بولان آزیق- طعام، یاشایش و ساغلیغی غورایش خدمتلارینی تأمین ادیش دیگینی آیدیپ و بو طرح ده آیدیلان پول-دان نظر دا توتولان ایشلردن باشغه هیچ بیر یره مصرف ادیش لیگه اجازه یوق دیر.

دولی لین آزیق-طعام خوفسیزلیق طرحی آز گیردجی لی دهقان لارینگ اؤز اؤنوم لرینی ایشلأپ چیقاریش لیغینا یاردام بریش و افغانستان دا آزیق- طعام خوفسیزلیغی اربت لنیشی نینگ آلینی آلیش اوچین دیر.

بامیان، هرات، جلال آباد، قند‌هار، خوست، قندوز و مزار شریف دأکی بیر میلیون مشغله تیزلیک بیلن خدمت گؤرکزیش و یاشایشی تأمین ادیش طرحی هم بو پول دان مصرف اتجک دیر.

افغانستان دا مهم‌ بولان طبی خدمت لاری نینگ کیفیتینی کوپلدیش اوچین دولی لین‌ ساغلیغی غورایش طرحینی چیقاریشلیغه هم اعتبار بریلیور.

خلق‌ آرا غوراماسی نینگ یاردام لارینی نظارت ادیش بؤلومی بارلیغینی اعلان ادیپ، بو طرحلردن عیال- غیزلارینگ دنگ فایده‌ لانیشی اوچین ایشلأپ چیقیاریلان دیغینی هم آیدیپ دیر. شونونگ یالی، بو طرح‌لردن هدفلی فایده‌ لانیلیشی اوچین ارکین شکلده نظارت ادیلیشینی آیراتین نیغتاندیر.

 

ممکن است شما دوست داشته باشید