روزنامه وطنداران

اسعداباد – پارون سته پوت ایپاسته بی

اچی واس کویں سرطان ماس سته ۱۵بولی واس تں کوری تں تتی پوت نشیں ګتی اسعداباد  ستعں پارون الی پوت  ټرافیک پمیوکو ګټه سته بی سی شترک اینه دری ولتں حکومت ابل جےمنچاں سته ابل مښ اتکی کودیوم کعسته تں تتی به یسته ای کی امکی نشیں ګوستاں ایپه تی اویں پلکه دی امکی اتج به الاں پمیوکو ایی پوت دی اوکښه تی ایپه تی منچاں اتج به استه بګانه پوت ښټاله .ایکی پوت نورستان ولایت سته واما ولسوالی بدنشیں کووبادی پښکور(سیلاب) تں نشیں ګیسی چے شترک دولت پارستع اوکښه تی پمم ستعں ایپه تی منچاں سته اوچپو استه سته پوت ښټاسته بیسه شترک منچی بتت ایکی پوت تں اتج بں سته بټه تں کی اوتا موټه وارنییں یاسته اوچو(سفر) کوله.

ممکن است شما دوست داشته باشید