روزنامه اصلاح
ریاست روزنامه های دولتی افغانستان

یوه ګناهګار سره د رسول الله ﷺ چلند

   عبد الله رضی الله عنه وایی: رسول الله ﷺ ته یو سړی راغی، ورته ویې ویل: یا رسول الله! د ښار په پای کې مې یوې ښځې سره څه وکړل، ما له هغې سره له جماع پرته نورې لوبې وکړې، نو زه دا دی راغلم، زما په اړه چې ستا څنګه خوښه یی هماغسې پرېکړه وکړه، عمر وویل: الله دې پرده کړې وه، که تا خپله د ځان پرده کړې وی. راوی وایی رسول الله هیڅ ځواب ورنه کړ، سړی ولاړ، وروسته رسول الله سړی ورپسې ولیږه، راویې غوښت او دا ایت یې ورته تلاوت کړ:

   او د ورځی په دواړو خواوو او د شپې څه برخه کې لمونځ قائم کړه.  په حقیقت کې نېکی، بدۍ  له منځه وړی. دا د هغو خلکو لپاره یوه یادونه ده چی د خداى په یاد لرونکی دی.

وَأَقِمِ الصَّلٰوهَ طَرَفَىِ النَّهَارِ وَزُلَفًا مِّنَ الَّیْلِ ۚ إِنَّ الْحَسَنٰتِ یُذْهِبْنَ السَّیِّـَٔاتِ ۚ ذٰلِکَ ذِکْرٰى لِلذّٰکِرِینَ.[سُوۡرَهُ هُود : ۱۱۴]. د قوم یوه سړی رسول الله ته وویل: دا ډول چلند ځانګړی د دې سړی لپاره دی؟ هغه وفرمایل: بلکې د ټولو خلکو لپاره دی.

     عن عبد الله رضی الله عنه قال: جاء رجل إلى النبی ﷺ فقال: یا رسول الله إنی عالجت امرأه فی أقصى المدینه وإنی أصبت منها ما دون أن أمسها فأنا هذا فاقض فیَّ ما شئت، فقال عمر: لقد سترک الله لو سترت نفسک، قال: فلم یرد النبی ﷺ شیئا فقام الرجل فانطلق  فأتبعه النبی صلى الله علیه وسلم رجلا دعاه وتلا علیه هذه الآیه: {وأقم الصلاه طرفی النهار وزلفا من اللیل إن الحسنات یذهبن السیئات ذلک ذکرى للذاکرین} ( هود ۱۱۴) فقال رجل من القوم یا نبی الله هذا له خاصه؟، قال: بل للناس کافه.(رواه البخاری ومسلم)

   که څوک د دې سړی په څېر کړنه ترسره کړی او توبه وباسی، لکه دې صحابی چې توبه ایستلې وه او رسول الله نه یې وغوښتل چې زما په اړه ستا له خوښې سره سمه پرېکړه وکړه. نو دا باید وبښل شی او که توبه او پښېمانې ونه ښیی هغه ته باید قاضی له خپل صوابدید سره سمه تعزیری سزا ورکړی. نور په دې حدیث کې هر څه روښانه دی او د امر بالمعروف او نهی عن المنکر لپاره ډېر څه په کې شته.

حامد افغان

ممکن است شما دوست داشته باشید