ځوان او ټولنه!

انجنیر عبدالله دانش

د یو هیواد په ښیرازتیا او پرمختګ کی د نوموړی هېواد ټول وګړی مسؤل ګڼل کیږی له وزیرانو څخه تر عام وګړو پوری. که چیری مونږ یوازی دولتی لوړپوړیزو څیرو ته سترګی ونیسو او د خدمت کولو هیله تری ولرو دا به زموږ د ټولنې لپاره ستر زیان وی او خپل هدف ته مو تلل به ټکنی وی. د ټولنی هر وکړی باید خپل مسوولیت ادا کړی او د هیواد په ښیرازتیا کی لستوڼی را پورته کړی.

که چیری یو ځوان په ټولنه کی د ټولو وګړو په فکری سنګر کار وکړی او د حقیقت لوړی څوکې ته یی ورسوی هیڅکله به نوموړی ټولنه د فساد او فکری یرغل ښکار نشی اما خدای مکړه که چیری زموږ ځوانان له داسی سنګرونو بی پروا شی بیا به ټولنه د فکری جګړې ښکار وی او د کفری استعمار سیوری لاندی د ژوند لمحی تیرو چی بیلګی تیر شل کلونه دی.

همدا ځوان کدرونه دی چی د ټولنی په فکری ، کلتوری ، علمی ، پوهاوی او اخلاقی دریڅو کار کوی او ټولنه د پرمختګ لوړی څوکې ته رسوی ، د ټولنی په اصلاح سره  باثباته دولت بنسټ جوړیږی او هیواد د پرمختګ په لور ګامونه پورته کوی اما که چیری ځوان خپل مسوولیت ادا نه کړی ټولنه به د فکری ، کلتوری ، علمی ، پوهاوی او اخلاقی یرغل ښکار کیږی او نوموړی ټولنه به د بربریت سترو سترو کندو سره مخ شی. مونږ مسولیت لرو ترڅو خپلی ټولنی له نوموړو ځانګړنو څخه برخمنې کړو ترڅو د ارام ، سوکاله او ښیراز افغانستان ولرو.