روزنامه اصلاح
ریاست روزنامه های دولتی افغانستان

هلمند کې  دوه تنه د کولرا ناروغۍ له امله مړه شول

باختر آژانس: په هلمند کې دوه تنه په کولرا  ناروغۍ د اخته کېدو له امله مړه شوی دی.

د وړاندې شویو شمېرنو له مخې په هلمند کې د شدید نس ناستی ناروغۍ په خپرېدو سره یوازې په سنګین  ولسوالۍ کې ٢٢٠ تنه په دغې ناروغۍ اخته شوی دی.

د هلمند د عامې روغتیا ریاست یوه خبرځاى باختر آژانس ته وویل چې زیاتره دغو ناروغانو په خپلو کلیو او بانډو د ګرځنده روغتیایی ټیمونو له خوا تداوی او کم شمېر  چې روغتیایی حالت یې خراب و د درملنې په موخه د سنګین ولسوالۍ روغتیایی مرکز ته لېږدول شوی او تر درملنې لاندې دی.

هغه وویل، چې روغتیایی ټیمونو د شدیدې ناروغۍ د درملنې ترڅنګ د سیمې اوسېدونکو ته د دغې ناروغۍ او د هغه د مخنیوی د لارو چارو په اړه معلومات ورکوی.

په همدې حال کې د سنګین ولسوالۍ روغتیایی مسوولینو د دغې ناروغۍ د مخنیوی لپاره د درملو کمښت یوه ستونزه وبلله.

له ناپاکو اوبو څخه استفاده په یادې ناروغۍ د اخته کېدو اصلی لامل دی.

کولرا د کولمو یو ډول عفونت دى، چې په دې ویروس اخته کس په نس ناستی او کانګی اخته کېږی.

ممکن است شما دوست داشته باشید