روزنامه اصلاح
ریاست روزنامه های دولتی افغانستان

ملاخیرالله خیرخواه: په اوسنیو شرایطو کې هېواد زیات کار او هلوځلو ته اړتیا لری

د اطلاعاتو او فرهنګ وزارت د سرپرست ملا خیرالله خیرخواه په مشرۍ پرون د دغه وزارت د مشرتابه غونډه جوړه شوه.

د باختراژانس د خبریال د خبرله مخې؛ په دې غونډه کې چې د اطلاعاتو او فرهنګ وزارت د معینانو او د بېلابېلو څانګو د رییسانو په ګډون جوړه شوه  لومړۍ د دغه  وزارت د بېلابېلو برخو رییسانو او مسوولینو د خپلو کارونو رپوټونه وړاندې کړل.

دوی دغه راز د چارو د لا ښه والی په موخه خپلې یو شمېر ستونزې، وړاندیزونه  اوغوښتنې د اطلاعاتو او فرهنګ له سرپرست وزیر سره شریکې کړې او د دوی       د ستونزو د حل اوغوښتنو ته د رسیدګۍ په برخه کې یې د لا زیاتې پاملرنې غوښتنه وکړه.

وروسته د اطلاعاتو او فرهنګ سرپرست په خپلو خبرو کې د دغه وزارت د بېلابېلو برخو د رییسانو د کارونو قدردانی وکړه او ویې ویل؛ په اوسنیو شرایطو کې هېواد زیات کار او هلوځلو ته اړتیا لری.

هغه دغه راز ټینګار وکړ چې د چارو د لاښه والی په موخه د اطلاعاتو او فرهنګ وزارت د ټولو برخو مسوولین دې باید زیاتې هڅې وکړی.

ممکن است شما دوست داشته باشید