د نشه‎یی توکو پر وړاندی د نړیوالی مبارزی اړتیا

په تاریخی، حقوقی او فرهنګی سندونونکې هر کال د سرطان ۵ څخه تر ۱۱مې چې د جون له ۲۶ مه څخه د جولای تر دویمی پوری کیږی. له مخدر توکو سره د مبارزې نړیواله اوونۍ ده، چې په ځینو تقویمونو کی یی نړیواله ورځ کښلې ده. ښایی په نړیواله کچه او په ملی کچه دغه ورځ هغسی چې لازمه مبارزه ورسره وشی د معتادانو او روږدوکسانو معالجه ترسره شی، ترڅو ټولنه له دې ستری بلا او بدمرغۍ څخه وژغورل شی.

تاریخچه یې: د مخدر توکو پر ضد نړیوال کنفرانس کوم چې په هغه کې د مخدره توکو کښت، تولید، تورید، قاچاق او کارول پکښی شامل ؤ د ۱۹۸۷ میلادی کال د جون له ۱۷ می څخه تر ۲۶ پورې د ملګرو ملتونو په همکارۍ او مرستۍ د ویانا په ښارکې لویه نړیواله غونډه جوړه شوه او د هغی په ترڅ کې د ګډون کوونکو او همکارو هېوادونو او ټولنو د سیاسی عزم (هوډ) د عملی کېدلو په اړه خبرې وشوی چې په کومو طریقو او لیارو چارو دغه بدمرغه کور ګډې ناروغی مهار کړی او پر ضدیی مبارزه وکړی، چی په پایله کې یې یو سند د C.M.O په نوم لاسلیک کړ او ټولو هېوادونو وپیله چې د مخدر توکو پر ضد به کوټلی ګامونه پورته کوی.

دغه سند د یو خط مشی په توګه وه او دی، کوم چې په څلورو څبرکیو یا فصلونو کی ترتیب شوی او ۳۵ توکی لری چې د هغی په متن منځپانګه کې د مخدره توکو پر ضد قوی مبارزه، سیاسی عزم درلودل د معتادانو درملنه، د کوکنارو د کروندو له منځه وړل د مخدر توکو د قاچاق پرضد عملی او حتمی کارکړنه د ټولنو او هېوادونو ګډه همکاری تبلیغاتی کارونه، کنترول، حقوقی او جزایی کودونه راسپړل او عملی، کول دی.

دغه سند د جون په ۲۶ مه عملاَ لاسلیک او د عملی ډګر ته وړاندې شو، نوښایی چی د مخدره توکو پر ضد مبارزه حقیقی بڼه ولری او د درې میلیونو روږدو کسانو درملنه په هېواد کی هم وشی.

عبدالهادی قریشی