روزنامه هیواد
ریاست روزنامه های دولتی افغانستان

کاملوف: پر افغانستان دې اقتصادی فشارونه پای ته ورسول شی

ازبېکستان د افغانستان پر اوسنی اقتصادی او بشری وضعیت ژوره اندېښنه ښودلې او پر دغه هېواد یې د اقتصادی فشارونو د پای ته رسېدو غوښتنه کړې ده.د ازبېکستان د بهرنیو چارو وزیر عبدالعزیز کاملوف په غونډه کې وویل: افغانان له اقتصادی او بشری وضعیت سره مخ دی او د نړیوالې ټولنې بیړنیو مرستو ته اړتیا لری.نوموړی ټینګار کړی، چې په ګاونډی هېواد افغانستان کې یې خلک له لوږې او خوارځواکۍ سره مخ دی، نو له همدې امله له نړیوالې ټولنې غواړی، چې پر دغه هېواد اقتصادی فشارونه پای ته ورسوی او کنګل شوې شتمنۍ یې آزادې کړی.ښاغلی کاملوف ویلی: په افغانستان کې د دې وخت نه دی، چې نړیواله ټولنه له فشارونو کار واخلی او یا د خلکو ژوند ته خطرونه جوړ کړی.

ممکن است شما دوست داشته باشید