د هېواد ملی ورځپاڼه . په ۱۳۲۸ لمریز کال کې رامنځ ته شوه.. کله ،چې په دغه کال په پغمان کې د پښتنو او بلوڅو د پیوستون ورځ د شاندارو مراسمو په لړ کې نمانځل کېده ،نو پرېکړه وشوه ،چې هېواد ورځپاڼه هم را منځته شی .
د دې تاریخې اوملی ورځپاڼې بنسټ اېښودونکی عبدالرؤف بینوا ویلی: (( کله چې ما د هېواد ورځپاڼې بنسټ کېښود ،زوى مې پیداشو او پرهغه مې هم (( هېواد )) نوم کېښود )) د هېواد ورځپاڼې لومړى مسوول مدیر دوطن تکړه لیکوال اوشاعرخداى بخښلى محمد ارسلان سلیمی وردګ و،چې دوخت د مطبوعاتو د مستقل ریاست له خوا په دغې مهمه دنده وټاکل شو…په هغه وخت کې د هېواد ورځپاڼې کلیشه په سره رنګ چاپېده .
چین له افغانستان سره د سړک جوړولو په برخه کې مرسته کوی
په کابل کې د چین سفیر د بهرنیو چارو وزارت له سیاسی مرستیال میرویس ناب سره په لیدنه کې ویلی، چې له افغانستان سره به د سړک جوړولو او اقتصادی پراختیا په برخه کې مرسته کوی.په دې لیدنه کې چین دغه راز د سولې په برخه کې هم د بشپړې همکارۍ ډاډ ورکړی دی.چینایی لوری ویلی: دوی د دې غوښتونکی دی، چې په افغانستان کې روان تاوتریخوالی پای ته ورسېږی او دایمی اوربند رامنځ ته شی.سرچینې زیاته کړې، چې چین به له افغانستان سره د سړک جوړولو د ماشین الاتو مرسته کوی او تر څنګ به یې د کورونا وبا د مخنیوی په برخه کې هم خپلو همکاریو ته ادامه ورکوی.د چین سفیر دغه راز ویلی،چې له افغانستان سره مرسته شوی واکسین به د اداری کارونو تر بشپړېدو وروسته ډېر ژر کابل ته را ورسېږی.چین داسې مهال افغانستان سره د سړک جوړونې برخه کې د مرستې ډاډ ورکوی، چې په دې وروستیو کې د جګړو له امله له مرکزه د هېواد ګڼو ولایتونو ته تللې لارې په بمونو الوزول شوی او وېجاړې شوې دی.