روزنامه هیواد
ریاست روزنامه های دولتی افغانستان

په کابل کې د ودانیزو توکو لابراتوار فعالیت پیل کړ

 کابل ښاروالۍ مسئولین وایی: د جیو تکنیل او ودانیزو توکو لابراتوار فعالیت پیل کړی او له دې وروسته به د ټولو عمرانی او ټولګټو پروژو د ودانیزو توکو ټېسټ په دې لابراتوار کې کېږی.له کابل ښاروالۍ په خپره شوې خبرپاڼه کې ویل شوی، د ودانیزو توکو د کیفیت معلومولو په موخه د ۱۸ میلیونه افغانیو په ارزښت د جیوتکنیل لابراتوار فعالیت پیل کړ او د کابل ښاروالۍ د کار، ساتنې او مراقبت ریاست د رئیس مولوی عبدالحبیب له لوری رسماً پرانیستل شو او ګټې اخیستنې ته وړاندې شو.د یاد لابراتوار وسایل په وروستیو کې اخیستل شوی وو او په لومړی ځل یې په کابل ښاروالۍ کې فعالیت پیل کړ. له دې وروسته به د ټولو عمرانی او ټولګټو پروژو د ودانیزو توکو ټسټ په دغه لابراتوار کې ترسره کېږی.

ممکن است شما دوست داشته باشید