د هېواد ملی ورځپاڼه . په ۱۳۲۸ لمریز کال کې رامنځ ته شوه.. کله ،چې په دغه کال په پغمان کې د پښتنو او بلوڅو د پیوستون ورځ د شاندارو مراسمو په لړ کې نمانځل کېده ،نو پرېکړه وشوه ،چې هېواد ورځپاڼه هم را منځته شی .
د دې تاریخې اوملی ورځپاڼې بنسټ اېښودونکی عبدالرؤف بینوا ویلی: (( کله چې ما د هېواد ورځپاڼې بنسټ کېښود ،زوى مې پیداشو او پرهغه مې هم (( هېواد )) نوم کېښود )) د هېواد ورځپاڼې لومړى مسوول مدیر دوطن تکړه لیکوال اوشاعرخداى بخښلى محمد ارسلان سلیمی وردګ و،چې دوخت د مطبوعاتو د مستقل ریاست له خوا په دغې مهمه دنده وټاکل شو…په هغه وخت کې د هېواد ورځپاڼې کلیشه په سره رنګ چاپېده .
په نړیواله کچه د خوراکی توکو لوړو بیو پر افغانستان هم اغېزه کړې
په نړیواله کچه د خوړو ناورین پر افغانستان هم ناوړه اغېزه کړې ده. نړیوالې رسنۍ وایی :دا چې په وروستیو کې په نړیواله کچه د خوراکی توکو بیې لوړې شوې دی، خو افغانستان په داسې یوه حالت کې له دې وضعیت سره مخ شوی چې تر سختو اقتصادی فشارونو لاندې دی.سرچینه کاږی :په نړیواله کچه د خوراکی توکو بیو د نورو هېوادونو په پرتله پر افغانستان ډېره ناوړه اغېزه کړې ده. په افغانستان کې له یوې خوا بېکاری، وچکالی، کمزوری اقتصاد او د شتمنیو کنګل کول د لوږې د پراختیا لامل دی، له بلې خوا په نړیواله کچه د خوراکی توکو د بیې لوړېدل هغه څه دی چې دا ناورین یې لا پسې پراخ کړی دی.په نړیواله کچه وروسته له هغه د خوراکی توکو بیې لوړې شوې چې نړۍ ته د غلو دانو دوو سترو صادروونکو هېوادونو اوکراین او روسیې په خپلو کې جګړه پیل کړه.