د هېواد ملی ورځپاڼه . په ۱۳۲۸ لمریز کال کې رامنځ ته شوه.. کله ،چې په دغه کال په پغمان کې د پښتنو او بلوڅو د پیوستون ورځ د شاندارو مراسمو په لړ کې نمانځل کېده ،نو پرېکړه وشوه ،چې هېواد ورځپاڼه هم را منځته شی .
د دې تاریخې اوملی ورځپاڼې بنسټ اېښودونکی عبدالرؤف بینوا ویلی: (( کله چې ما د هېواد ورځپاڼې بنسټ کېښود ،زوى مې پیداشو او پرهغه مې هم (( هېواد )) نوم کېښود )) د هېواد ورځپاڼې لومړى مسوول مدیر دوطن تکړه لیکوال اوشاعرخداى بخښلى محمد ارسلان سلیمی وردګ و،چې دوخت د مطبوعاتو د مستقل ریاست له خوا په دغې مهمه دنده وټاکل شو…په هغه وخت کې د هېواد ورځپاڼې کلیشه په سره رنګ چاپېده .
په ننګرهار کې د کورنیو تولیداتو نندارتون پرانیستل شو
دا نندارتون د خراسان پوهنتون له لوری د ننګرهار د صنعت او سوداګرۍ خونې په همکارۍ د یکشنبې په ورځ پرانیستل شو. د یاد پوهنتون رئیس طارق کمال د نندارتون د پرانیستې پرمهال وویل: په دغه نندارتون کې د هیواد ۳۰ تولیدی فابریکو خپل تولیدات نندارې ته د دوو ورځو لپاره اېښوو.نوموړی وایی: د نندارتون له جوړېدوڅخه یې موخه کورنیو تولیداتو ته د خلکو پام اړونه او په دې برخه کې د پانګوالو هڅول دی.طارق کمال زیاته کړه: (( په ننګرهار کې دا نندارتون د خراسان پوهنتون د قتصاد پوهنځی د محصلینو په نوښت او د دغه ولایت د صنعکارانو په ګډه همکارۍ جوړی شوی، چې ۳۰ تولیدی فابریکو پکې خپل تولیدات نندارې ته .))
په ورته مهال د ننګرهار د صنعت کارانو ټولنې مشر حاجی تورملنګ د دا ډول نندارتونو پیلول د کورنیو تولیداتو لپاره د بازارموندنې په برخه کې ګټور بولی او وایی: په دې سره به دوی وکولای شی چې خپلو تولیداتو ته په اسانۍ بازار پیدا کړی.نوموړی د اسلامی امارت له چارواکو وغوښتل ،چې د دا ډول نندارتونو په جوړولو کې د صنعتکارانو ملاتړ وکړی.حاجی تورملنګ زیاته کړه: (( د دا ډول نندارتونو جوړېدل د کورنیو تولیداتو د ترویج لپاره ډېر مهم دی، ځکه له دې لارې موږ کولای شو چې خپلو کورنیو تولیداتو ته ښه بازار موندنه وکړو.)) بل لور ته د نندارتون ګډونوال هم له اسلامی امارت څخه غوښتنه کوی ،چې د کورنیو تولیداتو د ترویج او بازار موندنې په برخه کې دې خپل هڅې ګړندۍ کړی.خو بل لور ته د صنعتی فابریکو مسئولین د خپل تولید پر وړندې د برېښنا نشتون لوی خنډ یادوی او وایی: که یاده ستونزه یې حل تولیدات به زیات او هېواد به د ځان بسیاینې پر لور ګړندۍ پرمختګ وکړی.