روزنامه هیواد
ریاست روزنامه های دولتی افغانستان

په ننګرهار کې د ښوونځیو کلنۍ ازموینې پیل شوې

د ننګرهار د پوهنې ریاست مسئولین وایی: ((د ننګرهار د مرکز جلال آباد ښار په ګډون د دغه ولایت په ۱۴ ولسوالیو کې د تودو سیمو د ښوونځیو ازموینې پیل شوې، په سږنیو ازموینو کې به له شاوخوا ۷۰۰زره زده کوونکو څخه ازموینه واخیستل شی او همدارنګه زموږ یوه ارزیابی ښیی چې سږکال د کانکور په دولتی ازموینه کې به د ننګرهار د زده کوونکو نمرې ښې وی او زیات زده کوونکی به په یاده ازموینه کې بریالی شی.))

هغه همداراز د دغه ولایت په دولتی ښوونځیو کې د ښوونکو د کمښت ستونزه منی او وایی، په همدې هدف ننګرهار ته د څلور زره ښوونکو بستونه ورکړل شوی اوهیله مند دی، چې د نویو ښوونکو په ګمارل کېدو سره به شته ستونزه تر یوه بریده راکمه شی.حقانی زیاتوی:((په ننګرهار کې په دولتی ښوونځیو کې د ښوونکو د کمبود ستونزه موجوده ده او په همدغه هدف د پوهنې وزارت ننګرهار ته د څلور زره ښوونکو نوی بستونه اعلان ته ورکړی، چې د دغو ښوونکو په ګمارل کېدو سره به تر ډېره په ښوونځیو کې د ښوونکو د کمښت ستونزه حل شی.))

زده کووکونکی هم د سږنی کال ازموینو ته هیله من دی، خو د عملی زده کړو د زمینې برابرېدو غوښتنه کوی.

زده کوونکی: جواد احمد کلید ته وویل: (( زما په شمول ټول زده کوونکی ډېر زیات خوشحاله دی ، چې کلنۍ ازموینې مو را ورسیدې او په خیر سره به په دې ازموینو کې بریالی کېږم ځکه ډېره اماده ګی مې ورته نیولې او همدارنګه زموږ غوښتنه دا ده، چې په ښوونځیو کې د زده کوونکو د ظرفیت لوړېدو لپاره پوهنې وزارت زیات کار وکړی.))

ممکن است شما دوست داشته باشید