روزنامه هیواد
ریاست روزنامه های دولتی افغانستان

په ننګرهار کې د جرمونو په تور ۱۱۰ کسان نیول شوی

په ننګرهار کې د اسلامی امارت په راتګ سره د جنایی جرمونو کچه ۸۰ سلنه راکمه شوې ده.د ننګرهار امنیتی چارواکی وایی: په یاد ولایت کې یې د جنایی جرمونو د مخنیوی په موخه خپلې هڅې ګړندۍ کړې دی.دغه څرګندونې د ننګرهار امنیه قوماندانۍ چارواکو تېره یکشنبه په یو خبری کنفرانس کې وکړې.د امنیه قوماندانۍ د امنیت آمر مولوی محمد طاهر مبارز په همدې تړاو په یو جوړ شوی خبری کنفرانس کې وویل: په دې ولایت کې د جنایی جرمونو کچه د پخوا په پرتله ۸۰ سلنه راکمه شوې.هغه وایی: په دې لړ کې یې د جنایی جرمونو پر وړاندې د مبارزې مدیریت منسوبینو په جلال آباد ښار او ولسوالیو کې د بېلابېلو عملیاتو پر مهال د غلا، قتل، انسان تښتونې، قاچاق، کمېشنکارۍ او نورو جنایی جرمونو په تور ۱۱۰ کسان نیولی دی.هغه وایی: له نیول شویو کسانو یې ۲۵ میله وسلې او همدارنګه نور مختلف مواد ترلاسه کړی دی.د امنیه قوماندانۍ د امنیت آمر مولوی محمد طاهر مبارز زیاتوی: (( په دې وروستیو کې یې د نېشه یی توکو د مخنیوی په برخه کې مبارزه ګړندۍ کړې او یوازې په تېره میاشت کې یې په ننګرهار کې د نېشه یی توکو د قاچاق، پېر او پلور په تور ۱۳ کسان نیولی دی.د امنیه قوماندانۍ د امنیت آمر مولوی محمد طاهر مبارز زیاته کړه: (( دغه ولایت کې موږ د جنایی جرمونو د کنترول او مخنیوی ترڅنګ د نېشه یی توکو پر وړاندې مبارزه هم پیل کړې او په دې لړ کې مو په تېره یوه میاشت کې ۱۳ تنه دنېشه یی توکو د قاچاق پېر او پلور په تور نیولی او هم خپلو هیوادوالو ته ډاډ ورکوو، چې په دې برخه کې به شته ستونزې حل شی.))بل لور ته ولسی خلک د اسلامی امارت له چارواکو غوښتنه کوی،چې نیول شویو کسانو ته دې سخته سزا ورکړی.دوی د اسلامی امارت له چارواکو غوښتنه کوی، چې د خلکو د ژوند خوندیتوب ته دې ځانګړنې پاملرنه وکړی. (( په دې وروستیو کې په جلال آباد ښار او ولسوالیو کې جنایی پېښې زیاتې شوی، لکه هدفی وژنې، انسان تښتونې او نور. نو زموږ غوښتنه له اسلامی امارت دا ده چې نیول شویو کسانو ته دې سزا ورکړی، څو نور هغه کسان چې دا ډول جرمونه ترسره کوی ورڅخه عبرت واخلی.))که څه هم امنیتی چارواکی د خپلو لاسته راوړنو خبر ورکوی ،خو بل لور ته د جلال آباد ښار اوسېدونکی وایی: په دې ورورستیو کې هدفی وژنو، غلاوو، اختطاف او نورو جنایی پېښو زیاتېدو اندېښمن کړی دی.

ممکن است شما دوست داشته باشید