روزنامه هیواد
ریاست روزنامه های دولتی افغانستان

په سوریه کې ۱۱ میلیونه وګړی بېړنیو مرستو ته اړتیا لری

د ملګرو ملتونو سازمان ویاند په غونډه کې د خبرو پر مهال ویلی، چې په سوریه کې اقتصادی وضعیت په شدیده توګه مخ پر ځوړ دی او اوس نږدې یوولس میلیونه وګړی بېړنیو بشری مرستو ته اړتیا لری.د هغه په خبره که پر وخت اقدام و نه شی، نو ښایی دوه میلیونه نور وګړی هم پر یاده شمېره ورزیات شی.نوموړی همدا راز ویلی، چې د خوړو نړیوال سازمان د راپور پر بنسټ اوس په سوریه کې نږدې ۹ میلیونه او پنځه سوه زره وګړی غذایی خوندیتوب نه لری او دا مسئله د جدی د اندېښنې وړ ده.ملګرو ملتونو پر نړیوالو غږ کړی، چې په سوریه کې د بشری ناورین د مخنیوی لپاره خپلې همکارۍ ډېرې کړی.

ممکن است شما دوست داشته باشید