د هېواد ملی ورځپاڼه . په ۱۳۲۸ لمریز کال کې رامنځ ته شوه.. کله ،چې په دغه کال په پغمان کې د پښتنو او بلوڅو د پیوستون ورځ د شاندارو مراسمو په لړ کې نمانځل کېده ،نو پرېکړه وشوه ،چې هېواد ورځپاڼه هم را منځته شی .
د دې تاریخې اوملی ورځپاڼې بنسټ اېښودونکی عبدالرؤف بینوا ویلی: (( کله چې ما د هېواد ورځپاڼې بنسټ کېښود ،زوى مې پیداشو او پرهغه مې هم (( هېواد )) نوم کېښود )) د هېواد ورځپاڼې لومړى مسوول مدیر دوطن تکړه لیکوال اوشاعرخداى بخښلى محمد ارسلان سلیمی وردګ و،چې دوخت د مطبوعاتو د مستقل ریاست له خوا په دغې مهمه دنده وټاکل شو…په هغه وخت کې د هېواد ورځپاڼې کلیشه په سره رنګ چاپېده .
په جرمنی کې له موزیم څخه غلا شوې
د جرمن د پلازمېنې برلېن له ستاسی Stasi موزیمه غلا شوې ده.پولیس وایی، چې د کمونېزم د مهال له دغه موزیم څخه غلا د یکشنبې د ورځې د پیل په شېبو کې شوې.ستاسی د پخوانی ختیځ جرمنی د استخباراتو د وزارت نوم و، او اوس مهال په موزیم کې د هغه وخت د کشفی پولیسو اړوند آثار نندارې ته وړاندې شوی دی.پولیس وایی: غله نیمه شپه د لومړی پوړ له کړکیوو موزیم ته ننوتی، څو شیشه یی صندوقونه یې مات کړی او یو شمېر مډالونه او ګاڼې یې وړې ، خو د موزیم یو کارکوونکى وړم سهار پوه شوى او چارواکو ته یې خبر ورکړى دى.