د هېواد ملی ورځپاڼه . په ۱۳۲۸ لمریز کال کې رامنځ ته شوه.. کله ،چې په دغه کال په پغمان کې د پښتنو او بلوڅو د پیوستون ورځ د شاندارو مراسمو په لړ کې نمانځل کېده ،نو پرېکړه وشوه ،چې هېواد ورځپاڼه هم را منځته شی .
د دې تاریخې اوملی ورځپاڼې بنسټ اېښودونکی عبدالرؤف بینوا ویلی: (( کله چې ما د هېواد ورځپاڼې بنسټ کېښود ،زوى مې پیداشو او پرهغه مې هم (( هېواد )) نوم کېښود )) د هېواد ورځپاڼې لومړى مسوول مدیر دوطن تکړه لیکوال اوشاعرخداى بخښلى محمد ارسلان سلیمی وردګ و،چې دوخت د مطبوعاتو د مستقل ریاست له خوا په دغې مهمه دنده وټاکل شو…په هغه وخت کې د هېواد ورځپاڼې کلیشه په سره رنګ چاپېده .
په تاشکند کې د افغانستان په اړه غونډه جوړېږی
د ازبکستان د بهرنیو چارو وزارت ویلی، په پام کې لری ،چې د روان میلادی کال په جون میاشت کې د افغانستان په محوریت په تاشکند کې یوه لویه غونډه جوړه کړی. یاد وزارت د ازبکستان د بهرنیو چارو وزارت د سرپرست ولادیمیر ناراف له قوله ویلی، چې په یاده غونډه کې به د یو شمېر ګاونډیو او هغو هیوادونو استازی ګډون وکړی ،چې په یو ډول نه یو ډول په افغانستان کې ښکېل دی.ده ویلی، چې په افغانستان کې اقتصادی وضعیت پېچلی دی او په خبره یې که چېرته نړیواله ټولنه ورته پام ونه کړی ،نو ممکن دغه هیواد له نه جبرانېدونکی اقتصادی او انسانی ناورین سره مخ شی. ناراف ټینګار کړی ،چې ټوله نړۍ د افغانستان په وړاندې مسئوله ده او باید د دغه هیواد د وضعیت په بیا رغونه کې خپل ورترغاړې مسئولیت په سمه توګه ادا کړی.