د هېواد ملی ورځپاڼه . په ۱۳۲۸ لمریز کال کې رامنځ ته شوه.. کله ،چې په دغه کال په پغمان کې د پښتنو او بلوڅو د پیوستون ورځ د شاندارو مراسمو په لړ کې نمانځل کېده ،نو پرېکړه وشوه ،چې هېواد ورځپاڼه هم را منځته شی .
د دې تاریخې اوملی ورځپاڼې بنسټ اېښودونکی عبدالرؤف بینوا ویلی: (( کله چې ما د هېواد ورځپاڼې بنسټ کېښود ،زوى مې پیداشو او پرهغه مې هم (( هېواد )) نوم کېښود )) د هېواد ورځپاڼې لومړى مسوول مدیر دوطن تکړه لیکوال اوشاعرخداى بخښلى محمد ارسلان سلیمی وردګ و،چې دوخت د مطبوعاتو د مستقل ریاست له خوا په دغې مهمه دنده وټاکل شو…په هغه وخت کې د هېواد ورځپاڼې کلیشه په سره رنګ چاپېده .
په اوکراین کې اور لګېدو ۹ کسان وژلی
د اوکراین په تفریحی ښار، ادېسه کې په هوټل کې د اور لګېدو له امله نهه کسان مړه شوی او ۱۰ ټپیان شوی.چارواکو ویلی ،چې اور وړمه ورځ د توکیو ستار په نامه هوټل کې چې د متوسط نرخ هوټل بلل کېږی، لګېدلی و.پولیسو ویلی ، چې له دې هوټله سل کسان د اور وژنې د کارکوونکو د هڅو په پایله کې ژوندی ژغورل شوی. پولیسو ویلی، چې د اور لګېدو د علت موندلو لپارهیې جنایی تحقیقات پیل کړی دی.د اوکراین ولسمشر، ولادیمیر زلنسکی پر فېسبوک لیکلی، چې د دې مسئلې د څېړنې مسوولیت خپله اخلی او مسوول کسان بهیې ځواب ورکوی.