روزنامه هیواد
ریاست روزنامه های دولتی افغانستان

پاکستان د ډیورنډ فرضی کرښې په اوږدو کې ۱۲ سوداګریز بازارونه جوړوی

پاکستان له افغانستان او ایران سره د پولو په اوږدو کې د ۱۸ بازارونو د جوړېدو خبر ورکړی دی.

پاکستان له افغانستان او ایران سره د پولو په اوږدو کې د ۱۸ بازارونو د جوړېدو خبر ورکړی دی.

پاکستان په سرحدی سیمو کې د بازارونو جوړېدو هدف د درېیو واړو هېوادونو تر منځ د سوداګرۍ پراختیا او د قاچاقی توکو مخنیوی یاد کړی دی.دا پرېکړه لا وړمه ورځ په پاکستان کې د عمران خان په مشرۍ په تر سره شوې غونډه کې شوې ده.د راپورونو له مخې په دې غونډه کې ویل شوی، چې پاکستان له افغانستان سره د ډیورنډ فرضی کرښې په اوږدو کې ۱۲ او له ایران سره پولې ته نږدې ۶ سوداګریز بازارونه جوړوی.د عمران خان دفتر په خبرپاڼه کې ویلی، چې د درېیو واړو هېوادونو پاکستان، افغانستان او ایران تر منځ د قاچاقی توکو د مخنیوی په موخه به نورې هڅې هم وشی. خبرپاڼه کې د پاکستان د لومړی وزیر عمران خان له قوله راغلی ،چې دا بازارونه به په داسې ځای کې جوړ شی، چې د سرحدی سیمو اوسېدونکو په خاصه توګه ځوانانو ته به کاری فرصتونه برابر شی.د یادونې وړ ده، چې پاکستان تر دې وړاندې د ډیورنډ فرضی کرښې په اوږدو کې په خپله خوښه اغزن تار غزولی ، چې په ځلونو ځلونو د پولې دواړو غاړو پښتنو له سختو غبرګونونو سره مخ شوی دی.

ممکن است شما دوست داشته باشید