د هېواد ملی ورځپاڼه . په ۱۳۲۸ لمریز کال کې رامنځ ته شوه.. کله ،چې په دغه کال په پغمان کې د پښتنو او بلوڅو د پیوستون ورځ د شاندارو مراسمو په لړ کې نمانځل کېده ،نو پرېکړه وشوه ،چې هېواد ورځپاڼه هم را منځته شی .
د دې تاریخې اوملی ورځپاڼې بنسټ اېښودونکی عبدالرؤف بینوا ویلی: (( کله چې ما د هېواد ورځپاڼې بنسټ کېښود ،زوى مې پیداشو او پرهغه مې هم (( هېواد )) نوم کېښود )) د هېواد ورځپاڼې لومړى مسوول مدیر دوطن تکړه لیکوال اوشاعرخداى بخښلى محمد ارسلان سلیمی وردګ و،چې دوخت د مطبوعاتو د مستقل ریاست له خوا په دغې مهمه دنده وټاکل شو…په هغه وخت کې د هېواد ورځپاڼې کلیشه په سره رنګ چاپېده .
سعودی عربستان هم کابل کې خپل سفارت بېرته پرانیست
سعودی عربستان په کابل کې د خپل سفارت د کونسلی څانګه بیا پرانیسته د راپورنو له مخې، سعودی عرب په پلازمېنه کابل کې د خپل سفارت د کونسلی خدمتونو څانګه بېرته پرانیستې. د سعودی د بهرنیو چارو وزارت پر ټویټر پاڼه یوه لنډ پیغام کې راغلی چې دې څانګې د سې شنبې په ورځ افغانانو ته د بشپړو کونسلی خدمتونو د وړاندې کولو په موخه په کار پیل وکړ. په تېر اګست میاشت کې پر افغانستان د اسلامی امارت له واکمنېدو وروسته سعودی عربستان خپل ټول دیپلوماتان له افغانستان څخه ایستلی وو. اوسمهال په کابل کې د پاکستان، ترکیې، چین، او روسیې په ګډون د یو شمېر هېوادو سفارتونه پرانېستی دی او یوشمېر هېوادونو د خپلو سفارتونو د پرانیستلو په اړه غور پیل کړی دی.