روزنامه هیواد
ریاست روزنامه های دولتی افغانستان

د کرونا د مثبتو پېښو شمېر له ۵۰ میلیونو واوښت

په نړۍ کې په کرونا وبا د اخته کسانو شمېر تر پنځوس میلیونو واوښت.د جان هاپکنز پوهنتون د معلوماتو له مخې، د مثبتو پېښو شمېر تر پنځوسو میلیونو اوښتی او دغه وبا د چټکې پراختیا په حال کې ده.نړیوال څېړنیز بنسټونه بیا وایی، چې په اروپایی هېوادونو کې د کرونا وبا دویمې څپې خورا ستر ګواښونه پېښ کړی او تر لومړۍ هغې یې د پراختیا چټکتیا ډېره ده.همدا راز ددغه وبا له امله د مړو شویو شمېر هم له ۱ میلیون او ۲۵۰ زره کسانو اوښتی دی.د روغتیا نړیوال سازمان یو ځل بیا هم پر هېوادونو غږ کړی ،چې د دوی سپارښتنو ته جدی پاملرنه وکړی او په دې توګه خپل وګړی له دې وژونکی وبا وژغوری.

ممکن است شما دوست داشته باشید