روزنامه هیواد
ریاست روزنامه های دولتی افغانستان

د ننګرهار او لغمان لپاره نوی امنیه قوماندانان وټاکل شول

 د ننګرهار او لغمان ولایتونو پخوانی امنیه قوماندانان له دندې ګوښه او پر ځای یې نوی امنیه قوماندانان معرفی شول.تر دې مخکې جمعه ګل همت د ننګرهار او الله داد فدایی د لغمان د امنیه قوماندانانو په توګه دندې ترسره کولې.د معلوماتو پر اساس، جنرال داوود د ننګرهار او لطف الله کامران د لغمان د نوی امنیه قوماندانانو په توګه ټاکل شوی.لطف الله کامران تر دې وړاندې د پکتیکا د امنیه قوماندان و او جنرالله داوود بیا د کورنیو چارو وزارت کې په بېلابېلو برخو کې دندې تر سره کړی دی.دا تغییرات داسې مهال راځی چې په دې وروستیو کې د ننګرهار او لغمان په ګډون په ګڼ شمېر ولایتونو کې د افغان ځواکونو او طالبانو ترمنځ جګړې تودې شوی دی. د لغمان ولایت د دولت شاه ولسوالۍ د سقوط راپورونه ورکړل شول.د چارواکو په خبره چې دغه ولسوالۍ له تېرو څو ورځو راهیسې د طالبانو تر محاصرې لاندې وه چې پرون سهار ترې امنیتی ځواکونو شاتګ وکړ.د لغمان اوسېدونکی اندېښه ښیی چې که د دې ولایت امنیتی وضعیت ته جدی پام ونه شی، نو د نورو ولسوالیو د سقوط خطر هم شته.خو د لغمان مطبوعاتی دفتر وایی چې والی رحمت الله یارمل د مرکز مهترلام ښار له کمربندی پوستو لیدنه وکړه او په یو شمېر کلیو کې پیاده وګرځېده.د خبرپاڼې له مخې والی د افغان سرتېرو د مورال ستاینه وکړه او دوی ته یې پر وخت د هر راز مرستې او هر اړخیز ملاتړ ډاډ ورکړ.

ممکن است شما دوست داشته باشید