د هېواد ملی ورځپاڼه . په ۱۳۲۸ لمریز کال کې رامنځ ته شوه.. کله ،چې په دغه کال په پغمان کې د پښتنو او بلوڅو د پیوستون ورځ د شاندارو مراسمو په لړ کې نمانځل کېده ،نو پرېکړه وشوه ،چې هېواد ورځپاڼه هم را منځته شی .
د دې تاریخې اوملی ورځپاڼې بنسټ اېښودونکی عبدالرؤف بینوا ویلی: (( کله چې ما د هېواد ورځپاڼې بنسټ کېښود ،زوى مې پیداشو او پرهغه مې هم (( هېواد )) نوم کېښود )) د هېواد ورځپاڼې لومړى مسوول مدیر دوطن تکړه لیکوال اوشاعرخداى بخښلى محمد ارسلان سلیمی وردګ و،چې دوخت د مطبوعاتو د مستقل ریاست له خوا په دغې مهمه دنده وټاکل شو…په هغه وخت کې د هېواد ورځپاڼې کلیشه په سره رنګ چاپېده .
د ناروې د پوځ مشر : افغانان هم د نورو په شان د ښه ژوند کولو حق لری
د ناروې د پوځ مشر جنرال ایریک کریسټوفرسن د افغانستان پر اوسنی وضعیت اندېښنه ښودلې او وایی: له دغه وضعیته د دې هیواد اېستلو د ټولو هېوادونو مسئولیت دی.جنرال کریسټوفرسن ټینګار کړی، چې افغانان هم د نورو په شان د ښه ژوند کولو حق لری او هغوی د دې وړ دی، چې له هره اړخه پرمختللی ژوند ولری. هغه زیاته کړه،چې ناورې غواړی افغانانو ته د ښه ژوند چاپېریال برابر کړی او په هر حال کې د دوی تر څنګ ولاړ دی.د ناروې د پوځ مشر ټینګار کړی، چې افغانان اوس په بد وضعیت کې ژوند کوی او له دې وضعیته د افغانستان اېستل خپل او د نورو اغېزمنو هیوادونو مسئولیت بولی.