روزنامه هیواد
ریاست روزنامه های دولتی افغانستان

د مور د نړیوالې ورځې او کارنامو په ویاړ !

د جوزا ۲۴تمه هغه ورځ ده چې زموږ میندې د ۱۳۵۷ کال د غویی له کودتاه وروسته تر دې دمه( څلېر ویشت کاله) دغه ورځ  له خپلو اولادونو سره یوځاى د کمونېستی کودتاه  او د هغې د پسلګدونوپه پرلپسې ویر کې تېروی! وژنې، ورانۍ ، بمباردونه ، بندیخانې ، تری تم کېدنې ، مهاجرتونه او زخمونه د  مور په غېږه کې د وطنی مینې د ښوونو، سپارښتنو  او د ملی ارزښتونو د توهین کېدلو لړۍ روانې دی او د وطن  مور  د خپلو ناخلفو ، حرام نمکو او پلورل شویو زامنو په وسیله دغه دوه څلوېښت کلن  ناتار او وحشت ته  د ملی ویر پر ټغر ولاړه او د حسرت اوښکې تویوی .او د حال په ژبه وایی چې  کاش زموږ  وطن پلورو زامنو ته ځانګړې هویت پاڼې( شرمنامې) وېشل شوې وای او یا خو یې پر تندیو ، ځانګړی داغونه وهل شوی واى، چې راتلونکو نسلونو ته له ورایه او په آسانه د پېژندلو او د عبرت سبق شوى واى .

د دغې ملی ورځې په مناسبت هیواد ورځپاڼه په لومړی سر کې د غم ځپلیو او آرمانجنو میندو روح او مقام او بیا د نړیوالو قاتلینو په تپل شوې جګړه کې په وینو او اوښکو لېت پېت  د وطن  ټولو مومنو میندو ته د خپلو پېرزوینو مراتب وړاندې کوی .

ممکن است شما دوست داشته باشید