د هېواد ملی ورځپاڼه . په ۱۳۲۸ لمریز کال کې رامنځ ته شوه.. کله ،چې په دغه کال په پغمان کې د پښتنو او بلوڅو د پیوستون ورځ د شاندارو مراسمو په لړ کې نمانځل کېده ،نو پرېکړه وشوه ،چې هېواد ورځپاڼه هم را منځته شی .
د دې تاریخې اوملی ورځپاڼې بنسټ اېښودونکی عبدالرؤف بینوا ویلی: (( کله چې ما د هېواد ورځپاڼې بنسټ کېښود ،زوى مې پیداشو او پرهغه مې هم (( هېواد )) نوم کېښود )) د هېواد ورځپاڼې لومړى مسوول مدیر دوطن تکړه لیکوال اوشاعرخداى بخښلى محمد ارسلان سلیمی وردګ و،چې دوخت د مطبوعاتو د مستقل ریاست له خوا په دغې مهمه دنده وټاکل شو…په هغه وخت کې د هېواد ورځپاڼې کلیشه په سره رنګ چاپېده .
د ملګرو ملتونو خبرداری: نړۍ د تودوخې خطرناکې درجې ته نږدې شوې
د اقلیمی بدلون په چارو کې د ملګرو ملتونو کمېټې جدی خبرداری ورکړی، چې نړۍ د تودوخې خطرناکې درجې ته ورنږدې شوې ده. دې کمېټې انسانان په څرګنده په دې برخه کې ګرم بللی دی.د اقلیمی بدلونونو لپاره د بینالحکومتی کمېټې په راپور کې چې پرون خپور شو، د ساینسپوهانو په حواله راغلی ،چې د مځکې په اتموسفیر کې د مضرو ګازونو کچه هومره لوړه شوې ،چې د راروانې لسیزې اقلیمی اختلال ته کافی ده.د ملګرو ملتونو سرمنشی انتونیو ګوترېش د دې راپور په اړه وېیلی، چې د فوسیلی تېلو د سوځېدو او د ځنګلونو د لهمنځه تلو له امله مضره ګازونه د مځکې مرۍ زېندۍ کوی او میلیاردونه انسانان له سمدستی خطر سره امخ کوی.له دې مخکې په اقلیمی چارو کې د امریکا د ولسمشر ځانګړی استازی جان کری وېیلی و، د ملګرو ملتونو راپور دا خبره ډاګیزه کړه ،چې اقلیمی بحران به نور هم خطرناک شی او ځکه ښاغلی کری په راروانه یوه لسیزه کې په دې برخه کې د جدی اقداماتو غوښتنه وکړه.