د هېواد ملی ورځپاڼه . په ۱۳۲۸ لمریز کال کې رامنځ ته شوه.. کله ،چې په دغه کال په پغمان کې د پښتنو او بلوڅو د پیوستون ورځ د شاندارو مراسمو په لړ کې نمانځل کېده ،نو پرېکړه وشوه ،چې هېواد ورځپاڼه هم را منځته شی .
د دې تاریخې اوملی ورځپاڼې بنسټ اېښودونکی عبدالرؤف بینوا ویلی: (( کله چې ما د هېواد ورځپاڼې بنسټ کېښود ،زوى مې پیداشو او پرهغه مې هم (( هېواد )) نوم کېښود )) د هېواد ورځپاڼې لومړى مسوول مدیر دوطن تکړه لیکوال اوشاعرخداى بخښلى محمد ارسلان سلیمی وردګ و،چې دوخت د مطبوعاتو د مستقل ریاست له خوا په دغې مهمه دنده وټاکل شو…په هغه وخت کې د هېواد ورځپاڼې کلیشه په سره رنګ چاپېده .
د سیآیاې مشر: فکر مو نه کاوه چې د پخوانی حکومت چارواکی به وتښتی
د متحدو ایالاتو د مرکزی استخباراتو (سیآیاې) مشر ویلیم بنز ویلی، چې دوی هېڅکله داسې تمه نه لرله چې د افغانستان د جمهوری دولت مشران به وتښتی. ده دا څرګندونې په اسپین امنیتی فورم کې د خبرو پر مهال کړی او زیاته کړې یې ده : امریکا هېڅ توقع نه لرله چې د افغانستان د پرځول شوی حکومت مشران به وتښتی او د دې هېواد پوځ به وپاشل شی. نوموړی زیاته کړې ، چې ده له سقوطه لږ مخکې له افغان چارواکو څخه دا ډاډ تر لاسه کړی و، چې پوځ به په هېڅ صورت اجازه ورنه کړی ،چې د افغانستان دولت سقوط وکړی ،خو وروسته چې خبرېده، د پخوانی ولسمشر او نورو لوړپوړو پوځی چارواکو په ګډون ټولو پښې سپکې کړې وې.