روزنامه هیواد
ریاست روزنامه های دولتی افغانستان

د روڼتیا د څار بنسټ په ګمرکونو کې پر فساد اندېښنه وښوده

 د افغانستان پر روڼتیا د څار بنسټ وایی، د دې هېواد تر ټولو ډېر عواید له ګمرکونو تر لاسه کېږی خو په دغه برخه کې هره ورځ میلیونونه ډالر حیف میل کېږی.د دغه بنسټ مشر اکرام افضلی زیاتوی په ګمرکونو کې فساد په پلان شوې توګه روان دی او لوړپوړی حکومتی چارواکی په کې ښکېل دی.د افضلی په خبره له امکاناتو سره سره افغان حکومت په دې نه دی بریالی شوی، چې د دې سیستماتیک لوټ او تالان مخه ونیسی.هغه د فساد اوسنۍ کچه بوږنوونکې بولی او وایی چې دا لړۍ د افغانستان اقتصاد ته نه جبرانېدونکې ضربه ده.تر دې وړاندې د ولسی جرګې ځینو غړو وېیلی وو، چې د فساد له امله په ورځ کې اته میلیونه ډالر د هېواد په ګمرکونو کې حیف و میل کېږی.د یادونې ده چې کلونه کېږی د هېواد په ګمرکونو کې د فساد چیغې وهل کېږی خو تر اوسه یې په اړه حکومت په دی توانېدلی چې مخه یې ونیسی.

ممکن است شما دوست داشته باشید