روزنامه هیواد
ریاست روزنامه های دولتی افغانستان

د روسیې پولیسو په خباروفسک ښار کې لسګونه لاریون کوونکی نیولی

د روسیې په خباروفسک ښار کې زرګونه کسانو د محلی والی د ناڅاپی لرې کېدو په غبرګون کې مظاهره وکړه.د روسیې په لرې ختیځ کې دغو مظاهره‌چیانو د اعتراض خېمې ودرولې چې پولیسو ترې ۳۰ کسان ونیول.وړمه وړمه ورځ له غرمې وروسته د دوهم ځل لپاره خلک د ښار په اصلی میدان کې راټول او د پولیسو له ګواښ سره سره‌یې مظاهره وکړه.د روسیې د لرې ختیځ دا سیمه د چین پولې ته نږدې پرته ده، دلته په دې وروستیو کې څو ځله د لرې شوی والی سرګی فورګال د لرې کېدو او نیولو په غبرګون کې مظاهرې شوې دی.فورګال باندې د قتل تورونه پورې دی، هغه د سږ کال جولای میاشت کې ونیول شو او مسکو ته انتقال شو.

ممکن است شما دوست داشته باشید