روزنامه هیواد
ریاست روزنامه های دولتی افغانستان

د رئیس الوزرا سیاسی مرستیال: په اوسنی نظام کې به ټول قومونه ګډون ولری

د افغانستان د اسلامی امارت د رئیس الوزرا سیاسی مرستیال مولوی عبدالکبیر وایی، په اوسنی نظام کې به د ټولو قومونو استازی ګډون ولری.مولوی عبدالکبیر دغه څرګندونې د بېلا بېلو ولایتونو د اهل تشیع له استازو سره په غونډه او لیدنه کې کړې دی. نوموړی په خپلو خبرو کې له دغو استازو د مننې تر څنګ له اسلامی امارت څخه د هغوی ملاتړ ستایلی او ویلی یې دی، چې اسلامی امارت د ټولو ګډ کور دی او په اوسنی نظام کې به ټول قومونه ګډون ولری.ښاغلی عبدالکبیر د اهل تشیع استازو ته ډاډ ورکړی، چې د دوی غوښتنو او وړاندیزونو ته به رسېدګی کېږی او آن د اسلامی امارت د رهبرۍ په کچه به پرې غور او خبرې وشی.د رئیس الوزرا مرستیال ویلی، د امنیت تامین، د آزادې فضا رامنځ ته کول او د خلکو ارامتیا او سهولت د دولت مسئولیت دی او دوی په دې برخه کې جدی دی.

ممکن است شما دوست داشته باشید