روزنامه هیواد
ریاست روزنامه های دولتی افغانستان

د ترکیې ولسمشر آذربایجان ته په سفر کې نګرنو-قره باغ ته ولاړ

د ترکیې ولسمشر رجب طیب اردوغان:آذربایجان ته په خپل سفر کې د نګرنو-قره باغ هغه سیمه هم وکتله ،چې ادارې یې له ارمنستان څخه آذربایجان ته سپارلې ده.اردوغان باکو ته له رسېدو وروسته د نګرنو قره باغ په جنوب ختیځ کې فوزولی سیمې ته لاړ، چې ۳۰ کاله وروسته آذربایجان ته سپارل شوې ده.د ترکیې ولسمشر له خپل آذربایجانی سیال الهام علییف سره وکتل او دواړه سوسا سټراتیژیک ښار ته هم لاړل.ارمنستان او آذربایجان پر بېلتون غوښتونکې سیمې نګرنو قره باغ د شپږو اوونیو تر جګړې وروسته په تېره نومبر میاشت کې د روسیې په منځګړیتوب پر اوربند موافقه وکړه.د هغې جګړې له امله ځینې سیمې چې له ۹۰یمو کلونو راهیسې د ارمنستان په کنټرول کې وې، آذربایجان ته وسپارل شوې. ترکیه له اوږدې مودې راهیسې د ارمنستان رقیب دی، خو د آذربایجان له کلیدی ملاتړو ګڼل کېږی.

ممکن است شما دوست داشته باشید