د هېواد ملی ورځپاڼه . په ۱۳۲۸ لمریز کال کې رامنځ ته شوه.. کله ،چې په دغه کال په پغمان کې د پښتنو او بلوڅو د پیوستون ورځ د شاندارو مراسمو په لړ کې نمانځل کېده ،نو پرېکړه وشوه ،چې هېواد ورځپاڼه هم را منځته شی .
د دې تاریخې اوملی ورځپاڼې بنسټ اېښودونکی عبدالرؤف بینوا ویلی: (( کله چې ما د هېواد ورځپاڼې بنسټ کېښود ،زوى مې پیداشو او پرهغه مې هم (( هېواد )) نوم کېښود )) د هېواد ورځپاڼې لومړى مسوول مدیر دوطن تکړه لیکوال اوشاعرخداى بخښلى محمد ارسلان سلیمی وردګ و،چې دوخت د مطبوعاتو د مستقل ریاست له خوا په دغې مهمه دنده وټاکل شو…په هغه وخت کې د هېواد ورځپاڼې کلیشه په سره رنګ چاپېده .
د ایران د اټومی تړون خبرې حساسې مرحلې ته رسېدلی
د ایران د اټومی تړون د احیا لپاره په ویانا کې خبرې ډېرې حساسې مرحلې ته رسېدلی دی. دا خبره اروپایی دیپلوماتانو کړې ده.د برېتانیا، فرانسې او جرمنی دیپلوماتانو په بیان کې وویل، چې په خبرو کې پرمختګ روان دی او د راتلونکی موافقې ځینی مهمې برخې چمتو شوې، خو بیا هم سختې پرېکړې په مخکې دی چې باید وشی.د دغو درېیو اروپایی او د ایران د ۲۰۱۵ میلادی کال د اټومی تړون د نورو سترو قدرتونو استازیو د اپریل د میاشتې له لومړیو په ویانا کې خبرې پیل کړی او هڅه کوی ،چې متحده ایالتونه بېرته دغه تړون ته ستون او ایران هم خپلې کړې ژمنې بشپړ عملی کړی.د امریکا پخوانی ولسمشر ډونالډ ټرمپ په ۲۰۱۸ میلادی کال واشنګټن له دغه تړونه وایست او پر تهران یې بېرته اقتصادی بندیزونه ولګول.تهران هم په غبرګون کې د اټومی پروګرام فعالتیونه بېرته پیل کړی دی.