د هېواد ملی ورځپاڼه . په ۱۳۲۸ لمریز کال کې رامنځ ته شوه.. کله ،چې په دغه کال په پغمان کې د پښتنو او بلوڅو د پیوستون ورځ د شاندارو مراسمو په لړ کې نمانځل کېده ،نو پرېکړه وشوه ،چې هېواد ورځپاڼه هم را منځته شی .
د دې تاریخې اوملی ورځپاڼې بنسټ اېښودونکی عبدالرؤف بینوا ویلی: (( کله چې ما د هېواد ورځپاڼې بنسټ کېښود ،زوى مې پیداشو او پرهغه مې هم (( هېواد )) نوم کېښود )) د هېواد ورځپاڼې لومړى مسوول مدیر دوطن تکړه لیکوال اوشاعرخداى بخښلى محمد ارسلان سلیمی وردګ و،چې دوخت د مطبوعاتو د مستقل ریاست له خوا په دغې مهمه دنده وټاکل شو…په هغه وخت کې د هېواد ورځپاڼې کلیشه په سره رنګ چاپېده .
د اعلی سرقوماندانۍ غونډې د هېواد عمومی امنیتی وضعیت وارزاوه
د جمهوررییس او د وسله وال پوځ اعلی سرقوماندان محمد اشرف غنی په مشرۍ د وسله وال پوځ اعلی سرقوماندانۍ غونډه، وړم ماښام په ارګ کې جوړه شوه.په دې غونډه کې چې د جمهوری ریاست دواړو مرستیالانو هم حضور درلود، د امنیتی او دفاعی سکتور مسوولینو د هېواد د عمومی امنیتی وضعیت په اړه خپل راپور وړاندې کړ.جمهوررییس او د وسله وال پوځ اعلی سرقوماندان د یاد راپور له اورېدو وروسته د دښمن د ګواښونو د دفع او د امنیتی او دفاعی ځواکونو ترمنځ د لازیاتې همغږۍ په موخه لازمې لارښوونې وکړې.