روزنامه هیواد
ریاست روزنامه های دولتی افغانستان

د آغا خان بنسټ په فرهنګی چارو کې د اطلاعاتو او فرهنګ وزارت سره همکاریو ته دوام ورکوی

د اطلاعاتو او فرهنګ وزارت سرپرست او کاندید وزیر ډاکټر محمد قاسم وفایی زاده پرون د افغانستان لپاره د آقا خان بنسټ د پراختیایی شبکې له سفیرې شهر زاد هیرجی سره  وکتل.په دې کتنه کې د اطلاعاتو او فرهنګ وزارت سرپرست وزیر ډاکټر محمد قاسم وفایی زاده په فرهنګی چارو او د تاریخی آبداتو په رغونه کې د آقاخان بنسټ فعالیت مهم وباله.ډاکټر وفایی زاده په افغانستان کې د آقا خان بنسټ له سفیرې وغوښتل ،چې د تاریخی آبداتو په برخه کې د دغه وزارت کار کوونکو ته د زده کړې لنډ مهاله کورسونه جوړ کړی. هغه د آقا خان بنسټ سفیرې ته د هر راز همکارۍ ډاډ ورکړ او اندېښنه یې څرګنده کړه، چې د تېر په څېر بیا ځل طالبان تاریخی آبدات زیانمن نه کړی.په ورته وخت کې د آقا خان بسنټ سفیرې شهر زاد هیرجی  په افغانستان کې  د فرهنګی میراثونو او تاریخی آبداتو د بیا رغونې او ساتنې په برخه کې پر هغو چارو رڼا واچوله چې آقا خان بنسټ ترسره کړې دی. هغې د اطلاعاتو او فرهنګ وزارت سرپرست او کاندید وزیر ډاکټر محمد قاسم وفایی زاده ته ډاډ ورکړ، چې په فرهنګی چارو کې به له دوی سره د تېر په څېر خپلو همکاریو ته دوام ورکړی.د یادونې وړ ده چې د کتنې په پای کې د اطلاعاتو او فرهنګ وزارت سرپرست (افغانستان په انځورونو کې) او د آقا خان بنسټ سفیرې هغه کتاب چې په افغانستان کې یې خپلې ترسره شوې کړنې په کې ځای پر ځای کړې وې، یو بل ته ډالۍ کړل.

ممکن است شما دوست داشته باشید