د هېواد ملی ورځپاڼه . په ۱۳۲۸ لمریز کال کې رامنځ ته شوه.. کله ،چې په دغه کال په پغمان کې د پښتنو او بلوڅو د پیوستون ورځ د شاندارو مراسمو په لړ کې نمانځل کېده ،نو پرېکړه وشوه ،چې هېواد ورځپاڼه هم را منځته شی .
د دې تاریخې اوملی ورځپاڼې بنسټ اېښودونکی عبدالرؤف بینوا ویلی: (( کله چې ما د هېواد ورځپاڼې بنسټ کېښود ،زوى مې پیداشو او پرهغه مې هم (( هېواد )) نوم کېښود )) د هېواد ورځپاڼې لومړى مسوول مدیر دوطن تکړه لیکوال اوشاعرخداى بخښلى محمد ارسلان سلیمی وردګ و،چې دوخت د مطبوعاتو د مستقل ریاست له خوا په دغې مهمه دنده وټاکل شو…په هغه وخت کې د هېواد ورځپاڼې کلیشه په سره رنګ چاپېده .
جمهور رییس۵۰ هنرمندانو ته د مرستې وړاندیز منظور کړ
د افغانستان د اسلامی جمهوریت جمهور رییس محمد اشرف غنی د هېواد له مشهور هنرمند استاد ګلزمان او یو شمېر نورو هنرمندانو سره د مرستې لپاره د اطلاعاتو فرهنګ وزارت وړاندیز منظور کړ. اطلاعاتو فرهنګ وزارت د خپلې مخکېنۍ برنامې پر بنسټ، د ۱۳۹۸ کال هنری فیستیوال او په وروستیو سلو کلونو کې د هنری بهیر سیمینار د تېرې یکشنبې په ورځ جوړ کړی و. دغه سیمینار ته د استاد ګلزمان په ګډون د هېواد د اوو څانګو له ۴۵۰ کسانو زیات هنرمندان رابلل شوی وو ،چې اووه پریزنټیشنونه په کې وړاندې شول او هره ځانګړې څانګه د تېرو سلو کلونو په لړ کې وارزول شوه.اطلاعاتو فرهنګ وزارت او د هنر عالی شورا د استاد ګلزمان په ګډون د مرکز او ولایتونو د اوو څانګو ۵۰ کسانو هنرمندانو ته د مرستې وړاندیز د جمهوری ریاست عالی مقام ته وکړ او د هېواد جمهور رییس د یاد وړاندیز د منظورۍ پر مهال لارښوونه وکړه، چې په کابینه کې د تصویب لپاره دې د راتلونکی کال لپاره د عمرخوړلو هنرمندانو میاشتنی معاش مطرح شی.