روزنامه هیواد
ریاست روزنامه های دولتی افغانستان

بایډن له غنی او عبدالله سره ګوری

سپینې ماڼۍ امریکا ته د افغانستان د ولسمشر محمد اشرف غنی او د ملی مصالحې عالی شورا د مشر عبدالله عبدالله د ورتګ خبر ورکړ.د سپینې ماڼۍ ویانده جن ساکی وایی،چې ولسمشر بایډن به د جون په ۲۵مه غنی او عبدالله ته په سپینې ماڼۍ کې ښه راغلاست ووایی. له سپینې ماڼۍ څخه په خپره شوې اعلامیه کې راغلی، په داسې حال کې چې له افغانستانه امریکایی عسکر وځی، د دغو مشرانو سفر به د افغانستان او امریکا ترمنځ دوامدار مشارکت څرګند کړی.اعلامیه وړاندې لیکی: (( امریکا د افغان مېرمنو او نجونو په ګډون له افغانانو سره د مرستې لپاره ژمنه ده،چې افغانانو ته دیپلوماتیکې، اقتصادی او بشری مرستې برابرې کړې.))اعلامیې همدا راز زیاته کړې، چې امریکا به د افغانستان له حکومت سره ژورې اړیکې ولری،چې بیا دا هېواد د ترهګرو ډلو په ځالې بدل نه شی او امریکا ته ګواښ پېښ نه کړی.په دغې اعلامیې کې دغه راز ویل شوی،چې امریکا د سولې د روان بهیر کلکه ننګه کوی او ((ټولې افغانې ډلې هڅوی چې د جګړې ختمولو لپاره په مذاکراتو)) کې برخه واخلی.سپینه ماڼۍ داسې مهال واشنګټن ته د ولسمشر غنی د ورتګ خبر ورکوی چې په افغانستان کې جګړو زور اخیستی دی.

ممکن است شما دوست داشته باشید