روزنامه هیواد
ریاست روزنامه های دولتی افغانستان

امریکا د کومکی ځواکونو ۸۰۰ کسیز کنډک افغانستان ته را استوی

د یو ایس ارمی په نامه خبری رسنۍ راپور ورکړی، چې امریکا غواړی خپل کومکی تازه دمی ځواکونه افغانستان ته راواستوی.راپور وایی: پنټاګون دغه قطعه تازه فعاله کړې او افغانستان ته به راروان منی کې راورسېږی. د کومکی ځواکونو دغه څلورم نمبر کنډک به په افغانستان کې د روزنې او مشورې چارې سرته ورسوی، په داسې حال کې چې د دغو ځواکونو یو یو کنډک تر دې وړاندې عراق او افریقا ته هم استول شوی دی.دغه کنډک چې اته سوه ځواکونه به ولری افغانستان ته له راتګ وروسته به د هغو ځواکونو ځای ونیسی چې امریکا ایستلی وی. دا خبر په داسې حال کې ورکول شوی، چې د امریکا دفاع وزارت ویلی، تر اوسه ورته ټرمپ د ځواکونو ایستلو هېڅ ډول امر نه دی کړی.تر دې وړاندې راپورونه خپاره شوی وو، چې ټرمپ د کرونا له کبله له افغانستان څخه د ټولو ځواکونو د ایستلو خبر ورکړی دی.

ممکن است شما دوست داشته باشید