روزنامه هیواد
ریاست روزنامه های دولتی افغانستان

امرىکا د افغانستان او سىمې لپاره خپله ستراتېژی ارزوی

امرىکایی چارواکی وایی: د افغانستان او سىمې لپاره د خپلې ستراتىژۍ له اعلام ىو کال وروسته دغه ستراتىژی ارزوی، چې په پاىله کې به دا ډاګیزه شی چې په کومو برخو کې ډېر کار او زىار ته اړتىا ده.د امرىکا د مرکزی قوماندانۍ مشر جنرال جوزىف ووټل په واشنګټن کې خبرىالانو ته ووىل د نوې ستراتىژۍ په رڼا کې پرمختګ شوى او په ټول کې دا ستراتىژی برىالۍ ده.(( ډېر څه پر سم لوری روان دی، خو ځىنې داسې برخې هم شته چې زموږ له تمې سره سم چټک پرمختګ په کې نه دى شوى، موږ به پر همدې برخو تمرکز وکړو. زما له نظره د ستراتىژۍ په رڼا کې پرمختګ شوى او په ټوله کې لوى بدلون ته اړتىا نشته.))جنرال ووټل وایی: په تېر اختر کې رامنځته شوی اوربند او د افغان ولسمشر له خوا طالبانو ته د بې قىد او شرط خبرو وړاندىز په رڼا کې بېسارى فرصت رامنځ ته شوى.نوموړی د افغانستان په برخه کې د پاکستان پر رول هم ټىنګار وکړ او وىې وىل ،چې د پاکستان له خوا د مرستې نښې لىدل شوې، خو لا هم ډېر څه ته اړتىا ده چې دغه هېواد ىې باىد په افغانستان کې دامن او ټىکاو لپاره وکړی.د افغانستان او پاکستان ترمنځ په پوځی برخه او د سولې په تړاو روانو خبرو کې پرمختګ شوى، خو اړتىا ده چې پاکستان پر طالبانو او حقانې شبکې چې د دوى په خاوره کې مېشت دی فشار ته دوام ورکړی.د نوموړی په آند، اسلام آباد له څو لارو دا کار کولى شی:(( ىو دا چې هغوى ونىسی، له خپلې خاورې ىې وباسی او د سولې خبرو او له شته فرصتونو ګټې پورته کولو ته ىې حاضر کړی))له اوږده انتظار وروسته د تېر کال په اګست مىاشت کې د امرىکا ولسمشر د افغانستان او سوىلی آسىا لپاره خپله ستراتىژی په ډاګه کړه.امرىکا د دې ستراتىژۍ له مخې، افغانستان ته نور پوځىان واستول ، په افغانستان کې مېشتو امرىکایی سرتېرو ته زىات واک ورکړل شو او له افغان ځواکونو هوایی ملاتړ هم پراخ شو.پر دې ستراتىژۍ ىوه نىوکه دا ده چې ډېر پام پوځی برخې ته شوى او د خبرو له لارې د ىوه جوړ جاړی ته پام نه دى شوى.خو امرىکاِیی چارواکو د افغان حکومت له خوا له طالبانو سره د سولې د وړاندىز ملاتړ کړى او له طالبانو سره ىې د افغان پلاوی په موجودىت کې د مخامخ خبرو امکان هم نه دى رد کړى.

ممکن است شما دوست داشته باشید