روزنامه هیواد
ریاست روزنامه های دولتی افغانستان

افغان حکومت د طالبانو څلورمه جوپه بندیان هم ورخوشی کړل

د ملی امنیت شورا وایی: د ولسمشر غنی د فرمان په اساس او له کورونا سره د مبارزې د هڅو په لړ کې ۷۱ طالب زندانیان د حکومت له زندانونو څخه خوشی کړل.د ملی امنیت شورا ویاند جاوېد فیصل پر ټوېټر لیکلی، چې د ولسمشرغنی له حکم سره سم د ننګرهار، لغمان، کونړ، نورستان، فاریاب، ارزګان او بغلان له زندانونو څخه ۷۱ طالب زندانیان د هغوی عمر، روغتیا او د قید پاتې مودې ته په کتو له کورونا سره د مبارزې د هڅو په لړ کې خلاص شول.دا څلورمه ډله طالب زندانیان دی، چې د حکومت له زندانونو څخه خوشې کېږی.تر دې وړاندې هم ۳۶۱ طالب زندانیان د هېواد له بېلابېلو زندانونو څخه خلاص شوی وو او طالبانو هم شپېته زندانیان په کندهار، لغمان او بغلان ولایتونو کې آزاد کړی.بل لور ته په زندانونو کې د کورونا اندېښنو ته په کتو بېلابېلو جهتونو په حکومت او طالبانو غږ کړی،چې د زندانیانو د خلاصون پروسه چټکه کړی او په دې توګه د محبسونو دننه د فاجعې له رامنځته کېدو مخنیوی وکړی.

ممکن است شما دوست داشته باشید