د هېواد ملی ورځپاڼه . په ۱۳۲۸ لمریز کال کې رامنځ ته شوه.. کله ،چې په دغه کال په پغمان کې د پښتنو او بلوڅو د پیوستون ورځ د شاندارو مراسمو په لړ کې نمانځل کېده ،نو پرېکړه وشوه ،چې هېواد ورځپاڼه هم را منځته شی .
د دې تاریخې اوملی ورځپاڼې بنسټ اېښودونکی عبدالرؤف بینوا ویلی: (( کله چې ما د هېواد ورځپاڼې بنسټ کېښود ،زوى مې پیداشو او پرهغه مې هم (( هېواد )) نوم کېښود )) د هېواد ورځپاڼې لومړى مسوول مدیر دوطن تکړه لیکوال اوشاعرخداى بخښلى محمد ارسلان سلیمی وردګ و،چې دوخت د مطبوعاتو د مستقل ریاست له خوا په دغې مهمه دنده وټاکل شو…په هغه وخت کې د هېواد ورځپاڼې کلیشه په سره رنګ چاپېده .
افغانستان ته ۳۲ میلیونه ډالره لېږدول شوی
د افغانستان بانک خبر ورکوی چې له افغانانو سره د نړیوالې ټولنې د بشری مرستو پر دوام وړمه ورځ یو ځل بیا ۳۲ میلیونه ډالره بشری مرسته کابل ته راورسېده.د دغه بانک پر ټوېټرپاڼه لیکل شوی چې یاده اندازه پیسې د افغانستان بانک په مرسته د افغانستان نړیوال بانک ته وسپارل شوې.له دې وړاندې هم له۱۰۰ میلیونه ډالرو ډېره بشری مرسته د افغانستان نړیوال بانک ته سپارل شوې ده.دا هغه مرستې دی چې د ملګرو ملتونو د دفتر او اړوندو ادارو له لوری به پر افغانانو ووېشل شی.په ورته وخت کې هیوادوال د یادو مرستو پر عادلانه وېش ټینګار کوی.