روزنامه ملی انیس
ریاست روزنامه های دولتی افغانستان

په خوست او وردګو کې د کرېکټ جام اتلولۍ

په خوست او وردګو کې د زرغون افغانستان او د خپلواکۍ جام په نومونو د کرېکټ د جام اتلولۍ د هندوکش سټرایکرز او د چک بازانو لوبډلو وګټلې.

په خوست کې وروستۍ پایلوبه د هندوکش سټرایکرز او پامیر لجنډز د لوبډلو او همدا رنګه د وردګو ولایت په چک ولسوالۍ کې دا سیالۍ د چک بازانو او چک اتلانو ترمنځ تېره جمعه ترسره شوې.

د خوست په لوبو کې پامیر لجنډز په ۳۳ اوورنو کې سیالې لوبډلې ته د ۲۰۴ منډو هدف ټاکلی و، چې هندوکش سټرایکرز په وروستی اوور کې ورورسېد.

د زرغون افغانستان د پنځوس اووریزو لوبو ټورنمنټ د مې د میاشتې په اتمه د هندوکش سټرایکرز، پامیر لجنډز او میوند ساتونکو لوبډلو ترمنځ پیل شو او د مې تر شلمې پورې یې دوام وکړ. همدا رنګه په چک کې د ازادۍ جام سیالۍ د تېر اختر په څلورمه پیل شوې او د تېرې جمې په ورځ پای ته ورسېدلې، د دې لوبو اتلولی د چک بازانو وګټله، دا لوبډله په پایلوبه کې د چک له اتلانو سره مخ شوه، د چک بازانو خپلې سیالې لوبډلې ته په لسو اورونو کې د ۸۱ منډو هدف کېښوود، خو د چک اتلانو ونه شوای کړای، چې دا هدف پوره کړی او د دې لوبې اتلولی د چک بازانو وګټله.

ممکن است شما دوست داشته باشید