په افغانستان کې د مخدرو موادو استعمال زیات شوی

په افغانستان کې بې وزلی، بې کاری د دې سبب شوې چې په نېشه یی توکیو د اخته کسانو شمېر زیات شی. په سونو هغه نارینه چې هیروین، تریاک او یا شیشه استعمالوی، د کابل د یوې غونډۍ پر سر په خیمو او یا پر خاورو پراته دی. ځینې یې تر حد زیات نېشه توکی کاروی او له ناامیده په خاموشۍ سره د مرګ پر لوری ځی. دغه کسان وخت ناوخت تلفات هم لری.

په افغانستان کې د ورځ تر بلی ډېرو کسانو په نېشو اخته کېدل له ډېره وخته یوه جدی ستونزه ده. افغانستان په نړۍ کې د تریاکو او هیروینو د تولید په برخه کې لومړی ځای لری.

په ۲۰۱۵م کال کې ملګرو ملتونو اټکل کړی و چې په هغه کال کې ۲،۳ میلیونو کسانو نېشه یی توکی کارول چې هغه وخت د افغانستان د نفوس کابو ۵ سلنه برخه وه.

د مخدرو موادو تقاضا د کمولو ادارې رییس ډاکتر زلمل ووېیل چې په افغانستان کې په مخدره مواد د اخته کسانو دقیقې شمېرې په لاس کې نشته، خو هغه په دې باوری دی چې دغه شمېر زیات شوی دی.

اسلامی امارت د کوکنارو له منځه وړولو لپاره اقدامات کړی دی. همد راز سږ کال د دوبی په پېل کې پر دوو سیمو چې معتادین به پکې راټولېدل، تصفیوی عملیات شوی دی. چارواکو وېیلی چې کابو ۱۵۰۰ کسان یې راټول کړی دی. دغه معتادین بیا د کابل په ختیځ کې د ابن سینا روغتیایی مرکز ته چې مخکې د امریکایانو یوه پوځی اډه وه، د درملنې لپاره انتقال شوی دی.